पर्सा पोस्ट, मंसिर १३ गते, बिरगंज । पर्सामा शिक्षा पत्रकार समूह औपचारिक रूपमा गठन भएको छ। नेपाल पत्रकार महासंघ पर्सा शाखाको सभाकक्षमा शनिबार आयोजित विशेष कार्यक्रममा महासंघ पर्साका अध्यक्ष ओमप्रकाश खनालले समूहको घोषणा गरेका हुन्।
घोषित संरचना अनुसार समूहको अध्यक्षमा प्रमोद यादव चयन भएका छन् भने उपाध्यक्षमा राजेन्द्र सिंह राजपुत नियुक्त भएका छन्। त्यस्तै सचिवमा माधुरी महतो, सहसचिवमा बलिराम यादव, कोषाध्यक्षमा राजकुमारी गुप्ता रहेका छन्।
समूहमा आंशु सर्राफ, विनोद यादव, अनिता कुँवर र एन्जल चौधरी सदस्यका रूपमा चयन भएका छन्। साथै सल्लाहकार समितिमा मनोज मिश्र, तुलसी भण्डारी, भूषण यादव, क्रान्ति शाह र विजय महतो मनोनित गरिएको कार्यक्रमबाट जानकारी गराइएको छ।
शिक्षा क्षेत्रमा सक्रिय पत्रकारहरूको सामूहिक पहिचान, क्षमता विस्तार तथा शैक्षिक समाचार सूचनाको प्रभावकारी प्रवाह उद्देश्य राखी समूहको औपचारिक घोषणा गरिएको बताइएको छ।
