अजित कुमार भुजेल, बिरगंज । लायन्स क्लब अफ रक्सौलको आयोजनामा रक्सौल रेलवे स्टेशनको प्लेटफर्म नम्बर १ मा सोमबार बिहान ७ बजेदेखि १०:३० बजेसम्म निःशुल्क स्वास्थ्य परीक्षण शिविर सम्पन्न भएको छ।
शिविरमा सत्याग्रह एक्सप्रेस, मिथिला एक्सप्रेस तथा बाबाधामबाट आउने–जाने यात्रुहरू गरी करिब १६० जनाको रक्तचाप, मधुमेह (ब्लड सुगर) तथा रगत परीक्षण गरिएको थियो। परीक्षणका क्रममा केही यात्रुहरूमा समस्या देखिएपछि क्लबका सदस्य लायन डा. सुशील कुमार सिंहद्वारा चिकित्सकीय परामर्श प्रदान गरिएको थियो।
परीक्षणमा १५ यात्रुहरूलाई विशेष चिकित्सकीय सल्लाह दिइएको साथै तिनीहरूको जीवनशैली र आहार व्यवस्थाबारे जानकारी दिइएको क्लबले जनाएको छ।
कार्यक्रममा क्लबका अध्यक्ष लायन बिमल सर्राफ, सचिव लायन मोहम्मद निजामुद्दीन, कोषाध्यक्ष लायन अमित कुमार, जोनल चेयरपर्सन लायन शम्भु प्रसाद चौरसिया, लायन डा. सुशील कुमार सिंह, लायन डा. राजीव रंजन कुमार, लायन गणेश धानोठिया, लायन पवन किशोर कुशवाहा, लायन नारायण रुंगटा, लायन राजु गुप्ता, लायन साइमन रेक्स, लायन वसन्त जालान, लायन पंकज बरनवाल, लायन रमेश रौनियार लगायतको सक्रिय उपस्थिति रहेको थियो।
एसआरपी अस्पताल, लक्ष्मीपुरका निर्देशक तथा क्लबका सदस्य लायन संजय गुप्ताको सौजन्यमा अस्पतालको अनुभवी परीक्षण टोलीमा तनवीर हसन, निखिल कुमार, प्रियंका कुमारी र रेखा कुमारीले स्वास्थ्य परीक्षणमा महत्वपूर्ण भूमिका निर्वाह गरेका थिए।
शिविरको सफलताका लागि स्टेशन अधीक्षक अनिल सिंह तथा उनका सहयोगीहरूको योगदानप्रति क्लबले आभार प्रकट गरेको छ।
यस कार्यक्रमको जानकारी लायन्स क्लब अफ रक्सौलका अध्यक्ष तथा मिडिया प्रभारी लायन बिमल सर्राफले पत्रकारहरूसँग साझा गरेका हुन्।
