अजित कुमार भुजेल , बिरगंज । पर्सा प्रहरीले गाँजा खेती फँडानी तथा नष्ट गरेको छ ।
सूचना परिचालन तथा प्रहरी कारवाहीको सिलसिलामा माघ ०३ गते अं.१०:०० बजे देखी ऐ.१५:०० बजे सम्म ठोरी गाउँपालिका वडा नं.५ स्थित रामनगर तथा बुद्धनगरमा ईलाका प्रहरी कार्यालय ठोरीबाट खटिएको अं.१० जनाको प्रहरी टोलीले अवैधरूपमा लगाइएको २ कठ्ठा १० धुरमा १५०० ( पन्ध्र सय ) गाँजाको बोट फडानी तथा नष्ट गरिएको थियो ।
साथै गाँजा खेतीमा सलंग्न व्यक्तिहरूको पहिचान तथा खोजतलास गरी कानून बमोजिम कारवाही हुने जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक कुमार बिक्रम थापाले जानकारी दिनुभयो।
