अजित कुमार भुजेल , बिरगंज । बालविवाह सम्बन्धी अभिमुखिकरण कार्यक्रम पोखरीया नगरपालिकामा सम्पन्न भएको छ ।
बाल विवाह रोकथाममा पालिका स्तरीय सरोकार वालाले खेल्नु पर्ने भूमिकाबारे अन्तरक्रियात्मक अभिमुखिकरण कार्यक्रमको आयोजना गरिएको हो ।
पोखरिया नगरपालिकाका प्रमुख प्रशासकिय अधिकृत श्रीवास्तवले अहिले समाजमा व्यापक रुपमा बालबिबाह तथा बाल हिंसा बिरुद्ध बालबालिकालाई शसक्त बनाउने उध्यश्यले यस्तो अभिमुखिकारण कार्यक्रमको आयोजना गरिएको जनाएइएको छ ।
पोखरिया नगरपालिकाका प्रशासकीय अधिकृत अजय कुमार श्रीवास्तवले बाल विवाहलाई रोक्न बिधालयमा गएर अभिभावक लगायत छात्रछात्रालाई प्रशिक्षण दिनुपर्नेमा जोड दिनुभएको थियो ।
अहिले मधेस प्रदेशमा अरु प्रदेश भन्दा बढि बालविवाह भइरहेकोले यस्ता अभिमुखिकरण कार्यक्रमले यस्ता समस्यालाई रोक्न महत्त्वपूर्ण भुमिका खेलेको बताए ।
प्रमुख अतिथी पोखरिया नगरपालिकाका उपमेयर रुबि ठाकुरले अहिले स्थानिय सरकार भएपछी शिक्षा क्षेत्रमा सुधार भएको कारण बाल विवाहमा पनि क्रमिक रुपमा कमी आएको छ ।
अहिले पोखरिया नगरपालिकाले पनि बालबालिका र महिलाहरुको हकहितको लागि विभिन्न समाजिक संघसस्था मार्फत विभिन्न किसिमको कार्यक्रमको आयोजना गर्ने बताए । बाल विवाहले स्वास्थमा समस्या आउनुको साथै ज्यान समेत जाने गरेकोले अहिले कमसेकम २० वर्ष नाघे पछि मात्र विवाह गर्नुपर्ने बताए ।
सामाजिक सस्था जिल्ला समन्वय समिती पर्साका अध्यक्ष इब्राहिम देवानले यस अभिमुखीकरण कार्यक्रममा बालबालिकाको हकहितका लागि र जिम्मेवार निकायलाई जवाफदेही बनाउन कार्यक्रम गरिएको बताउनु भयो ।
युनिसेफ नेपालको सहयोग र सामाजिक संस्था जिल्ला समन्वय समिती पर्साको आयोजना गरिएको कार्यक्रममा पोखरिया इलाका प्रहरी कार्यलयका प्रहरी निरीक्षक मोहन बिक्रम केसि,वडा अध्यक्ष किशोरी साह , रेड्क्रस पोखरिया उपशाखाका सभापति भगवान प्रसाद कुर्मी , कार्यपालिका सदस्य शिव वचन महतो, शिक्षा प्रमुख वाल्मीकि साह लगायत स्थानिय अग्रज ,महिला, युवाहरु र कर्मचारीहरुको सहभागिता रहेको थियो ।
