अजित कुमार भुजेल , बिरगंज । बिरगंज महानगरपालिकाले जाडोको विदा थप गरेको छ । चिसो झन झन दिनानुदिन बढ्दै गएकोले चिसोलाई मध्यनजर गर्दै महानगरपालिकाले अझै ३ दिनको लागि जाडो विदा लम्ब्याएको हो ।
महानगरपालिकाका शैक्षिक प्रशासन महाशाखा प्रमुख अरबिन्दलाल कर्णद्वारा आइतवार जारी सूचनामा जाडो विदाको आधिकारीक जानकारी गराइएको थियो ।
आज जारी सूचना अनुसार यही माग ८ गते देखि १० गतेसम्म बिरगंज महानगर भित्रका सबै सामुदायिक तथा संस्थागत विद्यालयहरुमा विदा हुनेछ ।
यसअघि महानगरपालिकाले पुष २३ गतेदेखि माघ १ गतेसम्म जाडो विदा दिएको थियो । चिसो बढ्दै गएपछि विदा लम्ब्याउँदै माघ २ गतेदेखि ४ गतेसम्म जाडो विदा थप गरेको थियो ।
अहिले यो तेस्रो पटक जाडोको बिदा दिइएको हो ।
