अजित कुमार भुजेल , बिरगंज । भन्सार छली चोरी पैठारी गरी ल्याएको विभिन्न किसिमका सामानहरु बरामद पर्सा प्रहरीले पक्राउ गरेको छ ।
पर्सा जिल्ला बिरगंज महानगरपालिका वडा नं.१९ विन्दवासिनी बस्ने नागेश्वर साह कलवारको ज्ञान सागर अंग्रेजी बोर्डिङ स्कुलको खाली तल्लो तल्लाको खाली ब्राण्दामा भंसार छली चोरी पैठारी गरि ल्याइएको कपडाहरू पर्सा प्रहरीबाट खटिएको प्रहरी टोलीले सो कपडाहरू बरामद गरी आवश्यक कारवाहीको लागि आज वीरगञ्ज भन्सार कार्यालयमा बुझाएको पर्सा प्रहरीले जनाएको छ ।
अन्दाजी १६,६७,९००/- ( रु. सोरह लाख सड्सट्टी हजार नौ सय ) बराबरको पुजा थान कपडा ५७६ थान , रेडबुल ४८ पिस , लेडिज नक्कली विभिन्न किसिमका गरगहनाहरु २० केजि , लेडिज ब्रा ११५२ पिस र प्लास्टिकको फुल ७ प्याकेट बुधबार बरामद गरि आज भन्सार बुझाएको थियो ।
