अजित कुमार भुजेल , बिरगंज । पर्सा प्रहरीले गाँजा खेती नष्ट गर्ने अभियानलाई तिव्र बनाएको छ ।
अभियान अन्तर्गत प्रहरीले पर्सा जिल्लाका विभिन्न स्थानहरुमा अवैध रुपले लगाइएको गाँजा खेती नष्ट पार्दै आएको हो । सोही अभियान बमोजिम प्रहरीले आज पनि अवैध रुपले लगाइएको गाँजा खेती फडानि गरेर नष्ट गरिएको जनाएको छ ।
पर्सागढी नगरपालिका वडा नं. २ स्थित लगाइएको गाँजा खेती नष्ट गरिएको प्रहरीले जनाएको छ । सिन्गाइ खोलाको किनारमा अवैध रुपले लगाइएको डेढ कठ्ठा गाँजा नष्ट गरेको ईलाका प्रहरी कार्यालय पटेर्वासुगौलीका प्रहरी निरिक्षक रामराजा केशरीले बताए।
प्रहरीले उक्त स्थानमा रहेको आठसय बोट गाँजा फाडानी गरेको केशरीले बताए । प्रहरी चौकी मनवा पर्साबाट प्रहरी सहायक निरिक्षकको कमाण्डमा खटिएको टोलीले उक्त गाँजा फाडानी गरेको प्रहरीले जनाएको छ ।
यसअघि हिजो पनि प्रहरीले जीराभवानी गाउँपालिका वडा नंं २ सेढवा र वडा नं. ३ जितपुर टोलमा लगाइएको गाँजा खेती फडानी गरेर नष्ट गरिएको थियो ।
हिजो ७ ठाउँमा १ हजार ८ सय बोट गाँजा फडानी गरि नष्ट गरिएको प्रहरी निरिक्षक केशरीले बताए ।
