पर्सा पोस्ट , बैशाख ३० गते, रक्सौल , पूर्वी चम्पारण ।
रक्सौलवासीले अब प्रमुख शहरहरूमा पाइने जस्तै उत्कृष्ट गुणस्तर र विविध स्वादका आइसक्रिमको आनन्द लिन सक्ने भएका छन्। रक्सौलको बैंक रोडस्थित आकर्षण गलीमा नयाँ “आइसक्रिम हाउस” को भव्य उद्घाटन बुधबार सम्पन्न भएको हो।
वैदिक मन्त्र उच्चारण तथा परम्परागत विधिअनुसार आयोजित उद्घाटन समारोहमा बबली सिकारियाले रिबन काटेर प्रतिष्ठानको औपचारिक उद्घाटन गरिन् भने प्रतिष्ठानका सञ्चालक उमेश कुमार सिकारियाले नरिवल फोरेर शुभारम्भ गरेका थिए।
उद्घाटन अवसरमा सञ्चालक उमेश कुमार सिकारियाले उपस्थित अतिथि तथा शुभेच्छुकहरूप्रति आभार व्यक्त गर्दै मिठाई वितरण गरेका थिए। कार्यक्रममा सहभागी अतिथिहरूले नयाँ प्रतिष्ठानको सफलताको शुभकामना व्यक्त गर्दै निरन्तर प्रगतिको कामना गरेका थिए।
प्रतिष्ठानका सञ्चालक उमेश कुमार सिकारिया तथा तन्मय सिकारियाले “आइसक्रिम हाउस” ग्राहकलाई उत्कृष्ट स्वाद, सरसफाइ र गुणस्तरीय सेवा प्रदान गर्ने उद्देश्यले सञ्चालनमा ल्याइएको बताएका छन्। ग्राहकको सन्तुष्टि र विश्वासलाई प्राथमिकतामा राख्दै विभिन्न स्वादका गुणस्तरीय आइसक्रिम उपलब्ध गराइने उनीहरूको भनाइ छ।
उनीहरूका अनुसार प्रतिष्ठानमा खानका लागि तयार आइसक्रिम, लस्सी, छाछ, ब्रान्डेड चिसो पेय पदार्थ, विभिन्न प्रकारका जुस तथा बोतलबन्द पानीको व्यवस्था गरिएको छ। साथै, जिल्लामै पहिलो पटक केही मिनेटमै विभिन्न स्वादका आइसक्रिम तयार गर्न सक्ने अत्याधुनिक आइसक्रिम मेसिन जडान गरिएको जानकारी दिइएको छ।
सञ्चालक उमेश कुमार सिकारियाले यहाँको स्वादले आइसक्रिम पारखीहरूलाई “स्वादमा उत्कृष्ट” भन्न बाध्य बनाउने विश्वास व्यक्त गरे।
उद्घाटन समारोहमा भारत विकास परिषद शाखा–रक्सौलका अध्यक्ष रजनीश प्रियदर्शी, सचिव नरेश कुमार, वित्त सचिव सुनिल कुमार, अजय कुमार, विजय कुमार साह, दिनेश प्रसाद, अवधेश सिंह, विनोद कुमार (नारिवल गद्दी), नितेश कुमार सिंह, द्वारिका सर्राफ, मनोज कुमार, सुनिल कुमार लगायतको उपस्थिति रहेको थियो।
त्यसैगरी विशेष सिकारिया, नरेश सिकारिया, संतोष कुमार, हरीश खत्री, प्रभु रौनियारसहित शहरका प्रतिष्ठित व्यक्तिहरूको समेत सहभागिता रहेको थियो। लायन्स क्लब अफ रक्सौलका अध्यक्ष तथा मिडिया इन्चार्ज विमल सर्राफले दिल्ली बसाइबाट शुभकामना व्यक्त गरेका थिए।
