अजित कुमार भुजेल , वीरगञ्ज । ९औं प्याब्सन नेपाल मेडिसिटी इन्टर स्कुल टी–२० क्रिकेट प्रतियोगिता २०८१ अन्तर्गत पहिलो दिनका खेल सम्पन्न भएका छन् । वीरगञ्जमा जारी प्रतियोगितामा आज तीन वटा खेल खेलेका थिए ।
पहिलो खेलमा गोल्डेन फ्युचर र म्यारिगोल्ड भिडेका थिए । टस जितेर म्यारिगोल्डले पहिला बलिङ गर्ने निर्णय गरेको थियो । टस हारेर ब्याटिङ गरेको गोल्डेन फ्युचरले ८ विकेट गुमाउँदै १११ रनको योगफल तयार पारेको थियो। जवाफमा म्यारिगोल्ड ८० रनमै समेटिएपछि गोल्डेन फ्युचरले ३१ रनको जित हासिल ग-यो । उस्मान अन्सारी म्यान अफ द म्याच घोषित भए ।
दोस्रो खेलमा मूनलाइट र कञ्चनजङ्घा प्रतिस्पर्धा गरेका थिए । कञ्चनजङ्घाले टस जितेर फिल्डिङ गर्ने निर्णय गरेपछि मूनलाइटले उत्कृष्ट ब्याटिङ प्रदर्शन गर्दै २३० रनको विशाल लक्ष्य प्रस्तुत ग-यो । मूनलाइटका लागि सेराजुल हवारीले उत्कृष्ट प्रदर्शन गरे ।
उनले ६० बलमा १५ चौका र १२ छक्काको मद्दतले १५५ रन बनाउँदै नटआउट रहे । २३१ रनको लक्ष्य लिएर मैदान उत्रिएको कञ्चनजङ्घा मात्र ३३ रनमै समेटिएपछि मूनलाइटले १९७ रनको फराकिलो जित दर्ता ग-यो । सेराजुल हवारी खेलका उत्कृष्ट खेलाडी घोषित भएको प्याब्सन पर्साका सचिव अशोक संग्रौलाले जानकारी दिए । ।
तेस्रो खेल डीएभी र ज्ञान ज्योति बीच भएको थियो। टस जितेर ज्ञान ज्योतिले पहिला फिल्डिङ गर्ने निर्णय ग-यो । डीएभीले ८९ रन बनाएको थियो । ९० रनको लक्ष्य ज्ञान ज्योतिले ७ ओभरमै मात्र १ विकेट गुमाउँदै पूरा गर्दै सहज जित हासिल ग-यो। दिवाकर झा प्लेयर अफ द म्याच घोषित भए ।
