अजित कुमार भुजेल , बिरगंज । बिरगंज महानगर पालिका जनस्वास्थ्य प्रवर्द्धन शाखा बिरगंज पर्साको आयोजनामा आधारभूत स्वास्थ्य सेवा केद्र छपकैया-२ मा एच.पि.भि .को खोप अभियान २०८१ अन्तर्गत बिरगंज महानगर पालिकाको वडा खोप समन्वय समितिको अभिमुखिकरण तथा बहस पैरवी बैठक मंगलवार सम्पन्न भएको छ ।
बिरगंज महानगर पालिका आधारभूत स्वास्थ्य सेवा केन्द्र छ्पकैया-२ मा वडा न.२ का वडा अध्यक्ष महम्मद रेयाज मिया तेलिको अध्यक्षतामा वडा खोप समन्वय समितिलाई पाठेघरको मुखको क्यान्सर ( H.P.V.) खोपको बारे जानकारी गराईएको थियो ।
सो खोप दिने लक्षित समुह , मात्रा , दिने बिधि र कहिले कुन कुन स्थानमा हुने समेतको जानकारी गराईएको थियो । यसमा सबैको साथ सहयोगको पनि अपेक्षा रहेको सो कार्यक्रममा जानकारी गराएका थिए ।
पहिलो बर्ष अभियानको रुपमा सन्चालन गरिने एच. पि. भि. खोप कार्यक्रमको लक्षित समुह विद्यालयमा अध्ययन गर्ने कक्षा ६ देखि कक्षा १० सम्मका छात्राहरु र विद्यालय नजाने १० बर्ष देखि १४ बर्षसम्म उमेरका किशोरीहरुलाई यो खोप दिइन्छ , यो उमेरका अधिकान्स किशोरीहरु विद्यालयमा अध्ययन गर्ने भएकोले खोप सेवा मुख्यत : विद्यालय केन्द्रित हुने जानकारी गराईएको थियो ।
आजको कार्यक्रममा खोप दिने बारे समेत जानकारी गराईएको थियो । यो खोप दिनु भन्दा अगाडि खोप भायललाई राम्रोसँग हल्लाएर , भायलमा भएका सबै तत्व घुलेको सुनिश्चित गर्नु पर्दछ । यो खोप भायल हल्लाएपछि एकैनासको हल्का सेतो झोल हुनु पर्दछ ।यदि यो खोपको रङ्ग परिवर्तन भएको देखिएमा प्रयोग गर्नु हुदैन ।यो खोपको एक मात्रा ०.५ मिलि हो । यो खोप सुईको माध्यमबाट बायाँ पाखुराको माथिल्लो बीच बाहिरि भागमा मासु भित्र दिनु पर्ने जानकारी उपस्थितहरुलाई गराईएको थियो ।
सरकारी तथा निजि विद्यालयहरु सबै वडा न. २ मा रहेका ५ स्कुल र वडा न. ४ मा रहेका ६ स्कुलमा नेपाल सरकारले यहि मिती २०८१ साल माघ २२ गते देखि फागुन ६ गते सम्म सन्चालन हुने भएकोले सबै स्कुललाई पत्रचार समेत गरिएको आधारभूत स्वास्थ्य सेवा केन्द्र छपकैया-२ का ईन्चार्ज भुषण प्रसाद यादवले जानकारी गराउनु भयो ।
सो कार्यक्रममा वडा न.२ का वडा सदस्य मो. बसिर मिया हजाम , अब्दुल लतिफ मिया , महिला वडा सदस्य संगिता थापा , रम्भा देबि , वडा सचिव कासिम शेष , शिक्षिका बिना चौलागाईं , समाजसेबि प्रबिण बिक्रम शाह , व्यापारी अफरोज मिया , सारदा थापा , उसमान मिया , पत्रकार अजित भुजेल , म. सा. स्वा. स्व . सेबिका पुस्पा सिंह , अनमी श्रीमती ईसरत जहाँ खातुन , अहेव भुषण प्रसाद साह लगायतको सहभागीता रहेको थियो ।
