अजित कुमार भुजेल , बिरगंज । एमनेष्टी ईन्टरनेशनल ग्रुप १६ बीरगंजद्वारा साउथ सिटी हिमाल नर्सिङ हस्पिटल बीरगंजमा आयोजित मानवअधिकार सम्बन्धी एक दिने प्रशिक्षण कार्यक्रमको आज एक समारोह बिच वरिष्ठ समाजसेवी प्रकाश कुमार उपाध्यायले दिप प्रज्वलित गरि उदघाटन गर्नुभयो।
कार्यक्रममा एमनेष्टीका पुर्व अध्यक्ष राजेश जैन बोथराले स्वागत मन्तव्य राख्दै एमनेष्टीको ईतिहासको बारेमा मन्तव्य राख्नु भएको थियो।
उक्त कार्यक्रमका प्रमुख अतिथि प्रकाश कुमार उपाध्यायले संयुक्त राष्ट्र संघद्वारा १० डिसेम्बर १९४८ मा पारित मानव अधिकार सम्बन्धि विश्वव्यापी घोषणापत्र तथा मौलिक अधिकारको बारेमा आफ्नो विचार राख्दै एमनेष्टी ईन्टरनेशनलको भुमिकाबारे आफ्नोे मन्तव्य राख्नु भएको थियो।
कार्यक्रममा समाजसेवी प्रेम शंकर सिंह, एमनेष्टीका सचिव एवं प्रशिक्षक रजनिस झा, हिमाल नर्सिङका प्रिन्सिपल समेत करिब १०० जना प्रशिक्षार्थि विद्यार्थीहरू को उपस्थिती रहेको थियो।
कार्यक्रमको संचालन एमनेष्टी ग्रुप १६ को उपाध्यक्ष संगीता पटेलले गर्नुभएको थियो।
