अजित कुमार भुजेल , बीरगंज । आज तुलसी पूजन दिवस्को शुभ अवसरमा नेपाल जनता पार्टी जिल्ला कार्य समिति पर्साद्वारा बीरगंज अवस्थित श्री गहवामाई मंदिरको प्राङ्गणमा तुलसी रोपण एवं पूजापाठ कार्य सम्पन्न भएको छ।
तुलसी पूजन दिवस सनातन धर्ममा एक महत्वपूर्ण र पवित्र पर्व हो जुन हरेक वर्ष २५ डिसेम्बरमा मनाइन्छ। यो दिन मुख्यतया तुलसी माताको पूजा र आराधना गर्न समर्पित छ। हिन्दू धर्ममा तुलसीलाई लक्ष्मीको रूप मानिन्छ र तुलसीको पूजा गर्दा घरमा सुख, समृद्धि र अखंड सौभाग्य प्राप्त हुने जनविश्वास रहेको छ । तुलसी पूजाले धार्मिक मात्र नभई सामाजिक तथा पारिवारिक जीवनमा पनि गहिरो प्रभाव पार्छ ।
नेपाल जनता पार्टी जिल्ला कार्य समिति पर्साको अध्यक्ष अनिल पटेलको अध्यक्षता भएको सो कार्यक्रममा नेपाल जनता पार्टिका केंद्रीय वरिष्ठ नेता सन्तोषानन्द महाराज, केंद्रीय सदस्य बिनोद पटेल, पारस द्विवेदी, जिल्ला उपाध्यक्ष धीरज शाह, महा मंत्री नवीन मिश्र,सदस्य प्रमोद शर्मा,सुमंत कुमार , रोशना गुप्ता,दीपक,हिरामन, आशीष महतो ,अंशु, प्रकाश झा लगायतको उपस्थिति रहेको थियो।
