अजित कुमार भुजेल , बिरगंज । बिरगंज महानगरपालिकाको आयोजनामा युएसए आईडिको सहयोगमा एक दिने प्रशिक्षण कार्यक्रम सम्पन्न भएको छ।
सार्वजनिक वित्तीय व्यवस्थापन अन्तर्गत बार्षिक योजना तर्जमा र बजेट निर्माण सम्बन्धि एक दिने प्रशिक्षण कार्यक्रमको प्रमुख अतिथि बिरगंज महानगरका उप प्रमुख इम्तियाज आलमको प्रमुख आतिथ्यमा सम्पन्न भएको थियो ।
कार्यक्रमलाई सम्बोधन गर्दै उप-प्रमुख आलमले जनताको सेवा सहयोग गर्नको लागि हामी जनप्रतिनिधिहरु सदैव तैयार रहनु पर्ने बताए । सो को लागि समय समयमा यस्तो खाले प्रशिक्षणको आयोजना महानगरले गरिरहेको छ जस्ले वडाअध्यक्षहरु, सचीवहरुको लागि एकदम आवश्यक रहेको हुन्छ । यो कार्यक्रमले गर्दा जनताको आवश्यकता अनुसार बजेट बनाइ कामकाजमा धेरै सहयोगमा पुग्ने बिस्वास लिएको बताए ।
सो कार्यक्रम समापन सत्रमा उपप्रमुख आलमले प्रशिक्षार्थीहरुलाई प्रमाणपत्र वितरण गर्नु भएको थियो भने उक्त प्रशिक्षण कार्यक्रममा बिरगंज महानगरपालिकाका ३२ वटै वडाका वडा अध्यक्षहरु र वडा सचीवहरु लगायत महानगरपालिकाका शाखा प्रमुखहरुको सहभागीता रहेको उपमेयरका प्रेस सल्लाहकार सदाब मल्लिकले जानकारी गराउनु भएको थियो ।
