अजित कुमार भुजेल , बिरगंज । गुणस्तरहीन अखाद्य सामाग्री उत्पादन र बिक्रि बितरण गर्ने एक उद्योगमा प्रशासनले छामामारी गरेको छ ।
उपभोक्ता हित संरक्षण मञ्च नेपाल पर्साको उजुरीको आधारमा अनुगमन गर्ने क्रममा अखाद्य र गुणस्तरहीन वस्तु उत्पादन र बिक्री वितरण गर्न तयारी अवस्थामा रहेको सामाग्री फेला पारेको छ ।
बजार धेरै दिनदेखि पुजा घ्यू , शुद्ध गाईको घ्यू को नामले गुणस्तरहिन अखाद्य घ्यू सस्तोमा बिक्रि बितरण गरिरहेको छ भन्ने सूचनाको आधारमा मानव स्वास्थ्य सङ्ग खेलवाड गर्दै आईरहेको यस्ता उद्योगको खोजी गर्दै जादा सो घ्यू बिरगंज महानगरपालिका वडा न. ६ रेशमकोठीमा रहेको पूजा सामाग्री प्रोडक्ट उद्योगमा आज छापामारी सिलबन्दी गरिएको र आवस्यक कार्वाहीको लागि केही सेम्पल घ्यूहरु परिक्षणको लागि लगेको पर्साका सहायक प्रमुख जिल्ला अधिकारी सानुबाबु अधिकारीले जानकारी दिनु भयो।
अखाद्य , गुणस्तरहिन वस्तु उत्पादन र बिक्रि बितरण गर्नेलाई सम्पुर्ण सामान सिज गरि कालाबजारी अन्तर्गत मुद्दा चलाउन उपभोक्ता हित संरक्षण मञ्च नेपाल प्रशासन सङ्ग जोडदार माग गरेको थियो ।
पर्साका सहायक प्रमुख जिल्ला अधिकारी सानुबाबु अधिकारीको संयोजकत्वमा बिहीबार गएको अनुगमन टोलीमा गुणस्तर तथा नापतौल कार्यालय पर्साका प्रमुख मनीष कुमार दास, बजार निरीक्षक सन्जिव कुमार ठाकुर , बाणिज्य आपूर्ति तथा उपभोक्ता हित संरक्षण कार्यालय बिरगंजका प्रतिनिधि मधुरेश प्रसाद साह , जिल्ला प्रशासन कार्यालय पर्साका कृष्ण कुमार कुशवाह, उपभोक्ता हित संरक्षण मञ्च नेपालका प्रतिनिधि विशाल झा, वडा प्रहरी कार्यालय बिर्ताका प्रहरी निरीक्षक पुष्कर बोगटी र उद्योग प्रतिनिधि कृष्ण कुमार सरार्फको उपस्थिति रहेको थियो ।
