अजित कुमार भुजेल , बिरगंज । बिल बिजक भन्दा बढी हार्डवेयर लोड रहेको मालवाहक ट्रक पर्सा प्रहरीको नियन्त्रणमा रहेको छ ।
सोमबार अन्दाजी राती १०:३० बजे बिल विजक भन्दा बढी हार्डवेयर बोकेको माल बाहक ट्रक बिरगंजबाट काठमाण्डौतर्फ जाँदै गरेको छ भन्ने सूचनाको आधारमा नियन्त्रणमा लिएको हो।
पर्सा जिल्ला बिरगंज महानगरपालिका वडा नं.१४ गण्डकचोक स्थित सडकखण्डमा ना.८ ख ६१७१ नम्बरको ट्रकलाई रोकी जाँच गर्ने क्रममा विल विजक भन्दा बढी हार्डवेयर पार्टस लोड रहेको तथा सो विल बिजक संकास्पद देखिएको हुँदा अन्दाजी मुल्य रू.४८,८७,००५।- (अड्चालीस लाख सतासी हजार पाँच) बराबरको हार्डवेयर पार्टसहरू नियन्त्रणमा लिई थप अनुसन्धान तथा आवश्यक कारवाहीको लागि आजै राजश्व अनुसन्धान कार्यालय पथलैया, बारामा बुझाएको पर्सा प्रहरीले जनाएको छ ।
