अजित कुमार भुजेल । रोयल बार्षिक समारोह कार्यक्रम सम्पन्न भएको छ ।
रोयल एकेडेमीको आयोजनामा हाम्रो राष्ट्रियता , हाम्रो गौरव भन्ने नाराका साथ बिरगंजको होटेल क्लासिक ब्यान्केटमा आइतबार भब्यताका साथ धुमधामको साथ विभिन्न कार्यक्रम गरि मनाईएको थियो ।
कक्षा १ देखि कक्षा ७ सम्मका विद्यार्थीहरुद्वारा प्रस्तुत राष्ट्रिय गान सयौ थुङ्गा फुलका…, स्वागत गान यो मेरो देश मलाई …., स्वागत नृत्य राम सियाराम…, हटने होईन डट्टी लडने गित , नेपाली बाबू डान्स , मा सरस्वती नृत्य ससाना विद्यार्थीहरुले गरेर आफ्नो प्रतिभा प्रस्तुत गरेका थिए ।
त्यसैगरि सबै जातजातीको सस्कृति झल्कने नृत्य , फरक फरक धर्म , होलि , फरक फरक उत्सव पर्व , नेपालका किवदन्ती लेखबारे , बिश्वमा नेपालको बिरासत , वनबिनाशबारे , लाग्दैछ मलाई रमाइलो कबिता पाठ कक्षा ३ का विद्यार्थीले प्रस्तुत गरेका थिए ।
बार्षिक समारोह कार्यक्रममा पढाई ज्ञानको साथ साथै देशभक्ती , राष्ट्रियता, वातावरण , कला , धर्म , सस्कृति , रुढीबादी परम्परा , बिश्वमा नेपालको पहिचान र नृत्यकलाले उपस्थित अभिभावकहरु आआफ्नो बच्चाहरुको प्रतिभा देखेर मख्ख भएका थिए ।
रोयल एकेडेमीका प्रिन्सिपल बिजया ओझैयाको अध्यक्षतामा भएको सो कार्यक्रमका प्रमुख अतिथि बिरगंज महानगर पालिकाका शिक्षा शाखा प्रमुख अरबिन्द लाल कर्णले पानसमा बत्ति बाली उद्घाटन गर्नुभएको थियो ।
सो कार्यक्रमनमा ग्लोबल बिजनेस कलेजका सस्थापक एवं प्रिन्सिपल श्रीराम चौधरी , प्रभु हस्पिटलका डा. लक्ष्मी थापा गुप्ता , सामुदायिक आँखा अस्पतालका डा. महेश सिंह धामी , पत्रकार अजित भुजेल , सुर्य बिक , स्कुलका शिक्षक , शिक्षिका र अभिभावकहरुको उल्लेखनीय सहभागिता रहेको थियो ।
स्वागत मन्तव्य सुमन श्रेष्ठले र कार्यक्रम सन्चालन विद्यार्थी पारिशी र रिद्विले गरेका थिए ।
