अजित कुमार भुजेल , बिरगंज । आठौं प्याब्सन अन्तर विद्यालय नकआउट टि-२० क्रिक्रेट प्रतियोगिता-२०८० को १४ औं दिन शुक्रबार भएको सेमिफाईनलको पहिलो खेल एमईएस माबी र गौतम माबी बीच भएको थियो ।
एमईएस माबिले गौतम माबीलाइ २२ रनले पराजित गरेका थिए ।
एमईएस माबीले टस जितेर पहिलो ब्याटिङ्ग गर्दै २० ओभरमा ५ बिकेटको क्षतीमा १३८ रन बनाएका थिए ।
जबाफी ब्याटिङ्ग गर्दै गौतम माबिले २० ओभरमा ६ बिकेटको क्षतिमा जम्मा ११६ रन बनाएका थिए । २२ रनले एमईएस माबी बिजयी भएको छ ।
सो खेलमा एमईएस माबिका एमडि रेहान म्यान अफ द म्याच घोषित भएका थिए ।
त्यसै गरि सोहि दिनको दोस्रो सेमिफाइनल खेल साउथ जोन माबी र मनोकामना माबी बीच भएको खेलमा साउथ जोन माबीले टस जिति पहिलो ब्याटिङ्ग रोज्दै १९.४ ओभरमा १० बिकेटको क्षतिमा १३१ रन जोडेका थिए ।
त्यसैगरि मनकामना माबीले २० ओभर पुरै खेली ६ बिकेट गुमाई १३२ रन बनाएका थिए । ४ बिकेटले मनकामना माबी बिजयी हुँदै शनिबार फाईनलमा प्रवेश गरेको छ ।
मनकामना माबीका जय सरार्फ म्यान अफ द म्याच घोषित भएका थिए ।
भोलि शनिबार फाईनल खेल एमईएस माबी र मनोकामना माबी बीच हुने भएको छ ।कार्यक्रमको समापन पनि सोहि दिन हुने आयोजक कमिटीले जानकारी दिएको हो।
