अजित कुमार भुजेल , बिरगंज । प्रथम अल्पाइन कप – २०८० क्रिक्रेट प्रतियोगिता बिरगंजको नारायणी रंगशालामाको क्रिक्रेट खेल मैदानमा शुक्रबार भएको पहिलो खेल ग्लोबल बिजनेस कलेज र ममता विद्या मन्दिर बीच भएको थियो ।
ममता विद्या मन्दिरलाई २३३ रनले पराजित गर्दै ग्लोबल बिजनेस कलेज बिजयी भएको छ ।
टस जितेर ग्लोबल बिजनेस कलेजले पहिलो ब्याटिङ गर्दै २० ओभरमा ७ बिकेटको क्षतिमा २५२ रन बनाएका थिए ।
त्यसैगरि ममता विद्या मन्दिरले ९.४ ओभरमा सबै बिकेटको क्षती ब्यहोर्दै जम्मा १९ रन बनाएका थिए ।
निरज यादवले ३८ बलमा १० चौका , ६ छक्का हान्दै ८२ रन बनाएका थिए । जितमा महत्त्वपूर्ण भुमिका खेलेकोले म्यान अफ द म्याच ग्लोबल बिजनेस कलेजका निरज यादव घोषित भएका थिए ।
ग्लोबल बिजनेस कलेजका बिवेक यादवले २१ बलमा ५ चौका , ४ छक्का हान्दै ५६ रन जोडेका थिए । त्यसैगरि रितिक पटेलले २३ बलमा ३ चौका १ छक्का हान्दै ३६ रन जोडे , रोहन कुमार साहले १७ बलमा १ चौका र २ छक्का हान्दै २७ रन र महमद अफरोज हुसैनले ६ सब्जान मन्सुरीले ७ रन जोडेका थिए ।
दोस्रो खेल नेशनल एकेडेमी र बिरगंज सेन्ट्रल स्कुल बीच हुँदै छ ।
