अजित कुमार भुजेल , बिरगंज । पर्सा प्रहरिले दुई जनालाई पक्राउ गरेको छ । विशेष सूचनाको आधारमा बहुदरमाई नगरपालिका ९ बाट कटुवा पेस्तोल १ थानसहित २ जनालाई पक्राउ गरेको पर्सा प्रहरीले जनाएको छ।
बुधबार बेलुकी १०:३० बजे चेकजाच गर्ने क्रममा पक्राउ पर्नेमा कालिकामाई गाउँपालिका ५ कटिबलुवा बस्ने ४३ वर्षीय दिपेन्द्र गिरी र पोखरिया नगरपालिका ९ बैरियाबिर्ता बस्ने ३७ वर्षीय शिवपुजन मुखिया रहेका छन् ।
जिल्ला प्रहरी कार्यालय पर्साबाट खटिएको प्रहरीले ना.१२ प ४९७१ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पेस्तोल सहित पक्राउ गरेको हो । पक्राउ परेका निजहरू विरुद्ध हातहतियार सम्बन्धी कसूरमा थप अनुसन्धान तथा कारवाही भैरहेको जिल्ला प्रहरी कार्यालय पर्साले जनाएको छ।
