अजित कुमार भुजेल , बिरगंज । प्रथम अल्पाइन कप – २०८० क्रिक्रेट प्रतियोगिता पुनः सुचारु भएको छ ।
बिरगंजको नारायणी रंगशालामाको क्रिक्रेट खेल मैदानमा बिहीबार भएको पहिलो खेलमा ग्लोबल बिजनेस कलेज बिजयी भएको छ । ओम नेशनल एकेडेमीलाई ९ विकेटले पराजित गर्दै बिजय हासिल गरेको हो ।
पहिले ब्याटिङ गरेको ओम नेसनल एकेडेमीका ब्याटरहरुको झिनो प्रदर्शन गर्दै १६.१ ओभरमा मात्र ५१ रनमा अलआउट भएको थियो । ग्लोबल बिजनेश कलेजका रोशन कुमार साहले उत्कृष्ट बलिङको प्रदर्शन गर्दै ४ ओभरमा १ मेडेन गर्दै १५ रनमा ५ विकेट प्राप्त गरि ओम नेसनलको पारी ध्वस्त पारेका थिए भने अनुज कुमार पटेलले ४ ओभरमा १ मेडेन गर्दै १३ रनमा २ विकेट लिएका थिए ।
<span;>त्यस्तै ५२ रनको बिजयी लक्ष्य पछ्याएको ग्लोबल बिजनेस कलेजले सानदार प्रदर्शन गर्दै ७.४ ओभरमा १ विकेटको नोक्सानीमा प्राप्त गरि बिजयी भएको थियो । ग्लोबलका निरज कुमार २८ बलमा १ चौका १ चक्काको मद्दतले अविजित २३ रन बनाए भने विवेक यादब १८ बलमा ३ चौकाको मद्दतले अविजित २२ रन बनाएर आफ्नो टिमलाई ९ विकेटको सानदार विजयी दिलाएका थिए ।
आजको खेलमा सानदार बलिङ गर्दै ५ विकेट लियेर जितमा महत्त्वपूर्ण भुमिका खेलेका ग्लोबल कलेजका रोहन कुमार साह म्यान अफ द म्याच घोषित भएका छन । साहलाइ मधेश प्रदेश क्रीकेट टिमका पुर्व क्याप्टेन सुरज पटेलले म्यान अफ द म्याचको पुरस्कार प्रदान गरेका थिए ।
जारि क्रीकेट प्रतियोगिता टि-२० फर्म्याटमा खेलाइने र फाल्गुन १७ सम्म चल्ने पुर्व निर्धारित कार्यक्रमलाई २ दिनको विश्राम पछि पुनः सच्चयाउदै अब समूह चरणका खेलहरु १० गते देखि १२ गते सम्म चल्ने र क्वाटर फाइनल खेल १४ र १५ फाल्गुनमा २-दुई खेलहरुको आयोजन हुनेछ ।
त्यस्तै १७ गते २ सेमिफाइनल खेल र १९ गते दिनको ११ बजे फाइनल खेलको आयोजना हुने अल्पाइन सेकेन्डरी स्कुलका सस्थापक तथा कार्यक्रम संयोजक बिनोद उपाध्यायले बताउनु भयो ।
आजको दोश्रो खेल नेसनल इन्फोटेक कलेज र मेरिगोल्डको बिचमा जारी रहेको छ ।
माघ २७ गतेदेखि शुभारम्भ भएको प्रतियोगिताको पहिलो खेलमा मिनिल्याण्डले आयोजक अल्पाइन स्कुललाई ५ विकेटले पराजित गरेको थियो भने म्यान अफ द म्याच मिनिल्याण्ड कलेजका बिशाल गुप्ता घोषित भएका थिए । गुप्ताले बलिङ तर्फ ४ ओभरमा १९ रन दियेर ३ महत्वपूर्ण विकेट लिएका थिए ।
