अजित कुमार भुजेल , बिरगंज । बिल बिजक भन्दा बढी लत्ताकपडा तथा हार्डवेयर लगायतका सामानहरू लोड रहेको ट्रक पर्सा प्रहरीले नियन्त्रणमा लिएको छ ।
बिरगंजबाट काठमाडौं तर्फ जाँदै गरेको सूचनाको आधारमा पर्सा जिल्ला बिरगंज महानगरपालिका वडा नं.१४ गण्डकचोक स्थित सडकखण्डमा ना.६ ख ८३०५ नम्बरको मालवाहक ट्रकमा राजश्व छली चोरी गरी विल विजक भन्दा बढी मालबस्तुहरू लोड गरेको ट्रक जिल्ला प्रहरी कार्यालयबाट खटिएको चेकिङ टोलीले उक्त मालवाहक ट्रकलाई नियन्त्रणमा लिई लोड रहेको मालबस्तु सो विल बिजक संकास्पद देखिएको हुँदा ना.६ ख ८३०५ नम्बरको मालवाहक ट्रकलाई नियन्त्रणमा लिई उक्त मालवाहक ट्रकभित्र लोड रहेको कपडा तथा खुद्रा समानहरू (उल्लेखित विल अनुसार) अ.मु.रू.१,१३,१८,८९०।- ( एक करोड तेह्र लाख अठार हजार आठ सय नब्बे ) बराबरको ट्रकभित्र लोड रहेको मालबस्तुहरू आवश्यक कारवाहीको आज राजश्व अनुसन्धान कार्यालय पथलैया, बारामा बुझाइएको पर्सा प्रहरीले जनाएको छ ।
