अजित कुमार भुजेल , बिरगंज । बिरगंज स्थित हरि खेतान बहुमुखी क्याम्पसको प्रमुख डा. भगवान यादवलाई क्याम्पसले अनिवार्य अवकाश दिएको छ ।
क्याम्पसको सन्सोधित बिधान २०७८ र २०८० को दफा ४३ बमोजिम शिक्षकको उमेर ६३ बर्ष र कर्मचारीको उमेर ५८ बर्ष पूरा भएपछी हाल कार्यरत क्याम्पस प्रमुख डा. भगवान यादवलाई उमेर हदका कारण अनिवार्य अवकाश दिइएको क्याम्पस सन्चालक समितको निर्णयबाट जानकारी गराईएको थियो ।
यादबको उमेर ६३ बर्ष पूरा भएको देखिएकोले सन्चालक समितिको आजको निर्णय अनुसार डा. यादवलाई अनिवार्य अवकाश दिएको हो। त्यसैगरि आजको मितिबाट अर्को व्यवस्था नभएसम्मका लागि क्याम्पसका शिक्षक किशोरी रायलाई निमित्त क्याम्पस प्रमुखको जिम्मेवारी दिईएको हरि खेतान बहुमुखी क्याम्पसका सन्चालक समितिका अध्यक्ष प्रेम प्रकाश खेतानको अध्यक्षतामा क्याम्पस परिसरमा आज बसेको बैठकले सो निर्णय गरि जानकारी दिईएको थियो ।
सन्चालक समितिको सदस्यमा रामअवतार खेतान, सन्तोष कुमार घिमिरे , सुनिल खेतान , किशोरी राय , वेद बहादुर कार्की , सदस्य सचिब भगवान यादव , सल्लाहकार प्रकाश खेतान रहेको छ ।
