अजित कुमार भुजेल , बिरगंज । सोमबार भएको प्रथम अल्पाईन कप -२०८० क्रिक्रेट प्रतियोगिताको तेस्रो दिनको पहिलो खेलमा ओम नेशनल बिजयी भएको छ ।
प्रथम अल्पाईन कप -२०८० क्रिक्रेट प्रतियोगिताको तेस्रो दिन सोमबार भएको पहिलो खेल ओम नेशनल र ममता बिधा बीच भएको थियो ।
बिरगंजको नारायणी रंगशालाको क्रिक्रेट मैदानमा सोमबार भएको लिग क्रिक्रेट प्रतियोगिता -२०८० तेस्रो दिनको पहिलो खेलमा ओम नेशनलले ४६ रनले ममता विद्यालाई पराजित गर्दै बिजयी भएको थियो ।
ओम नेशनलले टस जितेर ब्याटिङ्ग रोज्दै २० ओभर खेलेर ७ बिकेट गुमाउदै ११९ रन बनाएका थिए भने १२० रनको लक्ष्य पूरा गर्न ब्याटिङ गर्दै ममता विद्याले १६.४ ओभरमा आफ्नो सबै बिकेट गुमाई जम्मा ७३ रन बनाउन सके ।
ओम नेशनलका खेलाडी सुजन भण्डारी म्यान अफ द म्याच घोषित भएका थिए । उनले ४ ओभरमा ८ रन दिएर ६ बिकेट लिई आफ्नो टिमलाई बिजयी बनाउन सफल भएकोले सो टफि प्रदान गरेको आयोजक कमिटीले जनाएको छ ।
