अजित कुमार भुजेल , बिरगंज । केही दिन देखि बिरगंजमा बढदै गएको चिसोलाई मध्यनजर गरि बिरगंज महानगरपालिकाको सहयोगमा सिरक बितरण गरेको छ ।
बिरगंज महानगरपालिकाको सहयोगमा सन्सारिमाई युवा समाजले वडा न. २१ मा रहेका बृद्धबृद्धा एंव विपन्न बर्गहरुलाई चिसोबाट बच्न सिरक वितरण गरेको हो ।
वडा न. २१ मा बुधबार आयोजित कार्यक्रममा बिरगंज महानगर पालिकाका मेयर राजेशमान सिंहले स्थानीयलाई दुई सय सिरक बितरण गर्दै बिरगंजलाई बदल्ने अभियानमा सबैले हातेमालो गर्न आग्रह गरे ।
आफु एक्लैको प्रयासले परिवर्तन सम्भव नहुने भन्दै मेयर सिंहले हामी सबैको सामुहिक प्रयासमा वैभब बिरगंज बन्ने बताए ।
रमिता कुशवाहको अध्यक्षता तथा मेयर सिंहको प्रमुख आतिथ्यतामा भएको सिरक वितरण कार्यक्रममा वडाध्यक्ष राधाकृष्ण रौनियार,साहिब दरबारका अध्यक्ष उमेशलाल सहनी,कोषाध्यक्ष जिनु मियाँ,स्थानीय नेताहरू संजय मण्डल , मण्डल,पुरुषोत्तम पटेल, कृष्णा पटेल , नवीन मण्डल, सिपलाल राम लगायत स्थानीयहरुको उपस्थिति रहेको थियोे ।
