अजित कुमार भुजेल , बिरगंज । बिरगंज स्थित राज होजियारीको सहयोगमा तथा सामुदायिक सेवा केन्द्र तथा सामुदायिक प्रहरी सेवा छ्पकैया-२ बिरगंज पर्साको आयोजनामा जाडोलाई मध्यनजर गर्दै छ्पकैया वडा न.१ र २ बीच रहेको शान्तिटोलका अल्पसंख्यक समुदायका बालबालिकाहरुलाई न्यानो स्विटर र टोपी बितरण गरेको थियो ।
स्विटर १०६ पिस र टोपी ८५ पिस गरि जम्मा १९१ थान बितरण गरिएको सामुदायिक सेवा केन्द्र छ्पकैया-२ का अध्यक्ष हाजि ग्यासुदिन ठकुराईले जानकारी दिनुभयो ।
सामुदायिक सेवा केन्द्र छ्पकैया-२ का अध्यक्ष हाजी ग्यासुदिन ठकुराईको अध्यक्षतामा भएको सो कार्यक्रमका प्रमुख अतिथि जिल्ला प्रहरी कार्यालयका प्रहरी नायब उपरीक्षक किशोर लम्सालले प्रहरी साझेदारी कार्यक्रम अन्तर्गत सामाजिक उत्तरदायित्व पूरा गरेकोमा राज होजियारीलाई र छ्पकैया सामुदायिक सेवा केन्द्रलाई र अन्य उपस्थिति सहयोगीहरुलाई धन्यवाद दिनु भएको थियो ।
सो कार्यक्रममा सामुदायिक सेवा केन्द्र तथा सामुदायिक प्रहरी सेवा छ्पकैया-२ का उपाध्यक्ष प्रबीण बिक्रम शाह , कोषाध्यक्ष प्रेम कुमारी सिंह , सदस्य अजित भुजेल , जेयाउल हक समानि , साहेब हुसेन , अब्दुल कैश तेलि , सन्चारकर्मी अभिलाष गुप्ता , सुस्मिता यादव , समाजसेवी अनवर हुसेन , नन्दु ठाकुर , अरमान मिया , सुनैना हजरा , सागिर हुसेन , संतोष कुशवाह , राजेश पटवा , प्रहरी सहायक निरीक्षक बृज भुषण पान्डे , प्रहरी हवल्दार लालबाबू कुशवाह , लगायतकाको उपस्थितिमा न्यानो कपडा बितरण गरिएको थियो ।
