अजित कुमार भुजेल , बिरगंज । हरेक बर्ष १० डिसेम्बरकाे दिन मनाउदै आईरहेको अन्तर्राष्ट्रिय मानवअधिकार दिवस बिरगंजमा पनि मनाईयो ।
७५ औं अन्तर्राष्ट्रिय मानवअधिकार दिवसको अवसरमा आइतबार बिरगंजको घण्टाघरबाट स्वतन्त्र मानवअधिकार समाज केन्द्रीय कार्यालयको होडिङ्ग बोडको उदघाटन गरि प्रभातफेरिकाे आयाेजना गरि मनाईएको थियो ।
स्वतन्त्र मानवअधिकार समाजका केन्द्रिय सभापति कृष्ण कुमार खनालको अध्यक्षतामा तथा बिरगंज महानगरपालिकाका नगर प्रमुख राजेशमान सिंहको प्रमुख आतिथ्य भएको सो कार्यक्रममा बिशिस्ट अतिथि पर्साका स.प्र.जि.अ , अतिथि जिल्ला प्रहरी कार्यालय पर्साका प्रमुख कोमल बिक्रम शाह , सशस्त्र प्रहरी उपरीक्षक , जिल्ला प्रहरि कार्यालयका प्रहरी नायब उपरीक्षक , सशस्त्र प्रहरि नायब उपरीक्षक ,लोसपाका केन्द्रिय सदस्य निजामुदिन समानी, उपाध्यक्ष नन्दकिशोर यादव , महासचिव दिपक कुमार साह , सन्तोषानन्द माहाराज , नागरिक समाज , मानव अधिकारकर्मी, सन्चारकर्मी, सर्बसाधारण, शिक्षक-शिक्षिका, विद्यार्थी ,प्रहरी प्रशासन, विभिन्न संघ सस्थाहरुको समेत सहभागीता रहेको थियो।
