अजित कुमार भुजेल , बिरगंज । पर्सा प्रहरीले लागु औषध गाँजा सहित एक जनालाई पक्राउ गरेको छ ।
आइतबार दिउँसो पर्सा जिल्ला बिरगंज महानगरपालिका वडा नं.१७ अलौ स्थित एक जना अपचिरित व्यक्तिले सेतो प्लाष्टिकको झोला साथमा लिई भारततर्फ जाँदै गरेको अवस्थामा सन्कास्पद रुपमा हिड्ेको अवस्थामा उक्त व्यक्तिलाई जिल्ला प्रहरी कार्यालय पर्साबाट खटिएको चेकिङ टोलीले कानूनी रीतपुर्याई खानतलासी गर्दा पर्सा जिल्ला पर्सागढी न.पा.वडा नं.९ एकटांगा बस्ने बर्ष ४२ को मुरारी प्रसाद यादवले आफ्नै शरीरमा प्लाष्टिकको टेपले वेरी शरीरमा लुकाइ छिपाइ राखिएको लागु औषध गाँजा ३ के.जी. २०० ग्राम फेला परेको थियो । यादवलाई लागु औषध गाँजा सहित नियन्त्रणमा लिइ निज विरुद्द लागु औषध सम्बन्धी कसूरमा थप अनुसन्धान कार्य भैरहेको पर्सा प्रहरीले जनाएको छ ।
