अजित कुमार भुजेल , बिरगंज । बिल बिजक भन्दा बढी विभिन्न किसिमका खुद्रा सामानहरु लोड रहेको ट्रक पर्सा प्रहरीले नियन्त्रणमा लिएको छ ।
आज बेलुकी १२:३० बजेको समयमा पर्सा जिल्ला बिरगंज महानगरपालिका वडा नं.२१ हनुमानचोक स्थित सडकखण्डमा ना.३ ख ७५९१ नम्बरको मालवाहक ट्रकमा राजश्व छली चोरी गरी विल विजक भन्दा बढी मालबस्तुहरू लोड गरी वीरगञ्जबाट राजबिराजतर्फ जाँदै गरेको छ भन्ने समेत व्यहोराको सूचनाको आधारमा जिल्ला प्रहरी कार्यालय पर्सा अन्तर्गत प्रहरी चौकी परवानीपुरबाट खटिएको चेकिङ टोलीले उक्त मालवाहक ट्रकलाई नियन्त्रणमा लिई लोड रहेको मालबस्तुहरु ONLINE VCTS विलमा उल्लेखित भन्दा बढी लोड रहेको आसंका रहेको तथा सो विल बिजक संकास्पद देखिएको हुँदा ना.३ ख ७५९१ नम्बरको मालवाहक ट्रकलाई नियन्त्रणमा लिई उक्त मालवाहक ट्रकभित्र लोड रहेको कपडा तथा खुद्रा समानहरू (उल्लेखित विल अनुसार) अ.मु.रू.२५,८८,९५७।- (पच्चीस लाख अठासी हजार नौ सय सन्ताउन्न ) बराबरको ट्रकभित्र लोड रहेको मालबस्तुहरू आवश्यक कारवाहीको लागि आजै राजश्व अनुसन्धान कार्यालय पथलैया, बारामा बुझाएको पर्सा प्रहरीले जनाएको छ ।
