पर्सा पोस्ट, कार्तिक २३ गते, वीरगंज ।
एमनेस्टी इन्टरनेशनल समूह–१६ वीरगंजद्वारा आयोजित मानव अधिकार शिक्षा सम्बन्धी एकदिने प्रशिक्षण कार्यक्रम आज वीरगंजस्थित होटल वृन्दावनमा सम्पन्न भएको छ।
कार्यक्रमको अध्यक्षता समूह–१६ वीरगंजका अध्यक्ष रजनीश झाले गरेका थिए भने एमनेस्टी इन्टरनेशनल सचिवालयबाट आएका कुन्दन राज शर्माले प्रशिक्षण दिनुभएको थियो। शर्माले विश्वभरका मानव अधिकारका मापदण्ड, नेपालमा मानव अधिकारको अवस्था, र नागरिक सरोकारका विषयमा विस्तृत जानकारी प्रदान गरेका थिए।
उक्त कार्यक्रममा विभिन्न संघ–संस्था र मानव अधिकारकर्मी गरी ३५ जनाले सहभागिता जनाएका थिए। सहभागीहरूलाई मानव अधिकारको सिद्धान्त, उल्लंघन रोकथामका उपाय, र अधिकारको संरक्षणमा नागरिकको भूमिकाबारे व्यावहारिक प्रशिक्षण दिइएको थियो।
कार्यक्रममा समूहका पूर्व संयोजक राजेश बोथरा, पत्रकार अभिलाष गुप्ता, अनिल ओझा, संतोष कुश्वाहा, एमनेस्टी समूह–१६ वीरगंजका पूर्व अध्यक्ष प्रकाश बाहेती, र दलित महिला संघ वीरगंजकी अध्यक्ष निलाराम लगायतका विशिष्ट व्यक्तिहरूको उपस्थिति रहेको थियो।
कार्यक्रमको अन्त्यमा अध्यक्ष रजनीश झाले सहभागीहरूलाई धन्यवाद ज्ञापन गर्दै भने, “मानव अधिकारको प्रभावकारी संरक्षण र प्रवर्द्धनका लागि सचेत नागरिकको भूमिका अत्यन्त महत्वपूर्ण हुन्छ। आजको प्रशिक्षणले त्यस दिशामा प्रेरणा प्रदान गरेको छ।”
आयोजक संस्थाका अनुसार, यस कार्यक्रमले स्थानीय मानव अधिकार अभियन्ताहरूबीच आपसी सहकार्य, संवाद र क्षमतावृद्धिमा महत्वपूर्ण योगदान पुर्याएको छ।
