अजित कुमार भुजेल , बिरगंज । इस्लाम धर्मावलम्बीको पवित्र महिना रमजानको उपलक्ष्यमा बिरगंजका एक हिन्दू युवाले सामूहिक इफ्तारीको आयोजना गरेका छन् ।
आपसी भाईचारा अभिबृद्धि गर्ने उद्देश्यले बिरगंज आदर्शनगरस्थित बालाजी टि स्टलका संचालक प्रेम कुमार गुप्ताले इस्लाम धर्मावलम्बीहरुका लागि इफ्तारको प्रबन्ध मिलाएका हुन् । आपसी सद्भाव र धार्मीक सहिष्णुता कायम राख्नका लागि मुस्लिमहरुको मुख्य पर्व रमजानको उपलक्ष्यमा शनिबार साँझ इफ्तारी गराइएको गुप्ताले बताउनु भएको हो।
बालाजी टि स्टलका संचालक प्रेम कुमार गुप्ताले आयोजना गरेको इफतारमा मुस्लिम तथा हिन्दू समूदायका उल्लेख्य व्यक्तिको सहभागिता रहेको थियो । फरक धर्म संस्कृतिको सम्मान गर्दै धार्मीक सहिष्णुता कायम राख्न आफूले सानो प्रयास गरेको गुप्ताले बताउनु भयो। यस्तो कार्यले समाजमा सकारात्मक असर पर्ने त्यहा उपस्थित अगुवाहरुको भनाई थियोे।
