अजित कुमार भुजेल ,बिरगंज। बिरगंजको आदर्शनगर स्थित होटल सरोवरमा दोस्रो राष्ट्रिय स्तर मुनलाइट इन्टर स्कूल यू १८ र्यापिड चेस टूर्नामेंट २०८१ प्रतियोगिता शुक्रबारदेखि सुरु भएको छ ।
सो प्रतियोगितामा बिरगंजका १८ वटा विद्यालयका विद्यार्थीहरु सहभागी भएका छन। उक्त प्रतियोगितामा जुनियर र सिनियर कक्षाका विद्यार्थीहरुबीच प्रतिस्पर्धा भइरहेको छ।
यस चेस प्रतियोगितामा प्रमुख अतिथी वीरगञ्ज महानगरपालिकाका नगर प्रमुख राजेशमान सिंह एवम् विशिष्ट अतिथिमा वडा नम्बर ५ का वडा अध्यक्ष प्रदिप चौरसिया,डा.निरज सिंह,मुनलाईट स्कुलका संचालक श्याम केसी,सरोज चौधरी सहित विभिन्न विशिष्ट अतिथिहरुको उपस्थिति रहेको थियो।
उक्त कार्यक्रमको उद्देश्य विद्यार्थीहरूबीच खेलकुदको माध्यमबाट शारीरिक र मानसिक विकासलाई प्रवर्द्धन गर्नु रहेको आयोजकले जनाएको छ। प्रतियोगिताले आगामी पुस्ताका खेलाडीहरूको पहिचान र विकासमा योगदान पुर्याउने अपेक्षा गरिएको छ।
