अजित कुमार भुजेल , बिरगंज । बिरगंज स्कुल अफ लका विद्यार्थीहरुले पर्साका प्रमुख जिल्ला अधिकारीलाई ज्ञापनपत्र बुझाएका छन ।
बिरगंजको मुख्य सडकमा खुल्ला रुपमा छाडा चौपायाले दुर्घटनाको जोखिम रहेको भन्दै ज्ञापनपत्र बुझाएको हो । बिरगंजको घण्टाघर, माईस्थान, गहवा, श्रीपुर, पावर हाउस तथा नगरको अन्य गल्लीहरुमा खुल्लारुपमा चौपायाहरु हिड्डुल गरी रहेको भेटिएकोले ट्राफिक जाम हुने, जनावरको आक्रमण हुने तथा चोटपटक लागेर घाईते हुने संभावना बढि रहेकोले ध्यानाकषर्णका लागि ज्ञापनपत्र बुझाईएको हो ।
ज्ञापनपत्र बुझ्दै प्रमुख जिल्ला अधिकारी गणेश अर्यालले आफनो तर्फबाट सोको नियन्त्रणको प्रयास गर्ने पहल गर्ने बताउनु भयो । नियन्त्रणको भुमिका तथा जिम्मेवारी स्थानिय सरकारको बढि भएकोले एक ज्ञापनपत्र बिरगंजको नगर प्रमुखलाई पनि बुझाउन सुझाव दिनु भयो ।
सो ज्ञापनपत्र बुझाउन स्कुल अफ ल मा कानुन स्नातक ( BA.LLB )तहमा अध्ययनरत नगिना राउत कुर्मि , मुकेश साह तेलि , शितल गुप्ता , अम्बिका कर्ण , रसिद अन्सारी , अमृता शाह लगायतको सहभागीता रहेको थियो ।
