अजित कुमार भुजेल , बिरगंज । श्रमजिवी पत्रकार संघ नेपाल पर्सा जिल्ला तदर्थ कार्य समिति घोषणा भएको छ ।
आरके पटेलको अध्यक्षतामा १५ सदस्यीय श्रमजिवी पत्रकार संघ नेपाल पर्सा जिल्ला कार्यसमिति गठन गरिएको घोषणा आइतबार नेपाल पत्रकार महासंघ पर्साको सभाहलमा गरेको हो।
त्यसैगरि उपाध्यक्षमा प्रणय साह ,महिला उपाध्यक्षमा विमला गुप्ता, सचिवमा नितेश कर्ण, कोषाध्यक्ष दीपक कुहवाहा र सहसचिवमा अर्जुन गुप्ता र विशाल यादव, सदस्यहरुमा जाकिर हुसेन,राज सर्राफ, पुनम चौधरी,सुमेश्वर साह , राजकुमारी गुप्ता,राजु बैठा,विनोद यादव, र विशाल पटेल रहेका छन् ।
कार्यक्रमका प्रमुख अतिथि संघिय खानेपानी मन्त्री प्रदीप यादवले श्रमजिवी पत्रकारहरुको हकहितका लागि स्थापना भएको श्रमजिवी पत्रकार संघलाई श्रमजिवीकै हकहित र पक्षमा काम गर्न सुझाव दिए । देशको आर्थिक मन्दीको मारमा नेपालको मिडिया क्षेत्रपनि परेको बताउँदै उनले नेपाल पत्रकार महासंघसंग सहकार्य गरेर श्रमजिवी पत्रकारका समस्या सम्बोधन गराउन श्रमजिवी पत्रकार संघलाई आग्रह गरेका थिए ।
मन्त्री यादवको प्रमुख आतिथ्यतामा भएको उक्त कार्यक्रममा नेपाल पत्रकार महासंघ मधेस प्रदेश अध्यक्ष श्याम बन्जरा , पर्सा शाखाका अध्यक्ष ओमप्रकाश खनाल , समाजवादी प्रेस संगठनका केन्द्रिय सदस्य मनोज पटेल, नेपाल आदिवासी जनजाती पत्रकार महासंघ ( फोनिज) पर्साका पुर्व अध्यक्ष एवं नेपाल पत्रकार महासंघ पर्साका सदस्य अजित कुमार भुजेल, रितेश झा लगायतकाले नयाकार्य समितिलाई अग्रिम सुभकामना व्यक्त गरेका थिए ।
