अजित कुमार भुजेल, बिरगंज। नेपालको मित्र रास्ट्रय भारतको रक्सौलको रामगढवा स्थित आमोदेहीको ‘रिपु राज ब्राण्ड’ चामल उद्योगमा भारतको आयकर विभागले ठूलो छापा मारेको छ। करिब ४० ओटा सवारी साधन सहितको टोलीले फिल्मी शैलीमा छापा मार्दै उद्योगको लेखा जोखा जाँच गरेको छ।
आयकर विभागको टोली बारातको ब्यानर झुण्ड्याएर उद्योग परिसरमा प्रवेश गरेको बताइएको छ। यो अनौठो शैलीले सबैलाई चकित पारेको छ। छापा मार्ने कार्य उद्योगले छोटो समयमा अत्यधिक सम्पत्ति आर्जन गरे पनि कर तिर्ने प्रक्रिया पूरा नगरेको आशंकामा गरिएको हो।
आयकर विभागले उद्योगको वित्तीय अभिलेख र सम्पत्तिको स्रोतमाथि गहन अनुसन्धान थालेको छ। प्रारम्भिक अध्ययनका क्रममा उद्योगले ठूलो मात्रामा कर छलेको अनुमान गरिएको छ।आयकर विभागले अनुसन्धानपछि थप विवरण सार्वजनिक गर्ने बताएको छ।
