अजित कुमार भुजेल , बिरगंज ।बिरगंजका होटल तथा पर्यटन ब्यबसायीहरुले धार्मिक पर्यटनलाई महत्त्व दिएर ४५ औं अन्तर्राष्ट्रिय पर्यटन दिबस मनाएका छन ।
बिरगंज नाका हुँदै जनकपुरधाम र पशुपतिनाथ जान हिडेका छ जना भारतीय धार्मिक पर्यटकहरुलाई दहि र जुस खुवाएर टीका , माला सहित भब्य स्वागत गरेर धार्मिक पर्यटनलाई विशेष महत्त्व दिएका हुन ।
पशुपतिनाथ , जनकपुर ,गढिमाइ र मुक्तीनाथ जस्ता पबित्र र पौराणिक हिन्दु धामहरु मुलुकमा प्रशस्त रहे पनि राज्यले भने त्यस्ता धार्मिक पर्यटकीय स्थलहरुको प्रबर्द्धन र प्रचारमा ध्यान दिन सकी रहेको छैन ।
राज्यको ध्यान तान्नकै लागि पनि आज पर्यटन दिबसको अबसर पारेर धार्मिक पर्यटनलाई महत्वका साथ जोडन खोजेको होटल तथा पर्यटन ब्यबसायी संघ बिरगंजका अध्यक्ष हरि पन्तले बताए । उनले सम्भावना धेरै भए पनि नेपालको धार्मिक पर्यटन ओझेलमा परेको बताए ।
बिरगंजका होटल तथा पर्यटन ब्यबसायिहरुले आज बिरगंजको शन्कराचार्य गेटमा औपचारिक कार्यक्रमनै गरेर पर्यटकहरुको स्वागत गरेका थिए ।
स्वागत गरिएको पर्यटकहरुलाई ब्यबसायीहरुले गन्तब्य सम्म जान पुग्न भाडाको समेत ब्यबस्थापन गरि दिएका थिए ।
बिरगंजको शन्कराचार्य गेट्मै संघका अध्यक्ष हरि पन्तको सभापतित्व सम्पन्न उक्त पर्यटक सम्मान कार्यक्रममा नेपाल पत्रकार महासंघका केन्द्रिय सचिव दिपेन्द्र चौहान , पर्सा शाखाका उपाध्यक्ष युबराज खडका , युवा नेता दिलिप कार्की लगायतले सम्बोधन गरेका थिए । कार्यक्रममा ससस्त्र प्रहरी उपरीक्षक राधेश्याम धिमाल , पर्यटन प्रहरिको टोलिका साथ होटल तथा पर्यटन ब्यबसायी संघका बरिस्ठ उपाध्यक्ष रचेन्द्र थापा , महासचिव माधब बस्नेत, सचिब सन्दीप बस्नेत , हिरा श्रेष्ठ , कुबेर कार्की लगायतका होटल तथा पर्यटन ब्यबसायिहरु र सन्चारकर्मीहरुको उपस्तिथि रहेको पन्तले जानकारी दिनुभयो ।
