अजित कुमार भुजेल , बिरगंज । तेरापंथ युवक परिषद बिरगंजको ११ दिने वृहत् रक्तदान कार्यक्रम अन्तर्गत सोमबार किरण आखा अस्पताल बिरगंजमा आयोजना भएको रक्तदान कार्यक्रममा २ महिला सहित २७ जनाले रक्तदान गरेका थिए ।
रक्तदान गर्नेहरुमा कविता पोखरेल , कृष्ण दास , निरज गुप्ता , कम्लेस कमकर , राजन साह सोनार , सुमित कुमार साह , अर्जुन पटेल , गणेश अग्रवाल लगायतले आआफ्नो अमुल्य रगतको दान गरि मानवता बलियो बनाएको यस कार्यक्रमका सहसंयोजक नरेश भंसालीले जानकारी दिनुभयो ।
तेरापंथ युवक परिषद बिरगंजको उपाध्यक्ष पीयूष जम्मड कार्यक्रम सहसंयोजक नरेश भंसाली , प्रदिप बैद लगायत किरण नेत्र अस्पतालका संचालक अमर कयालको पनि उपस्तिथि रहेको थियो। वीरगन्ज कपडा बैंकका अध्यक्ष लालबाबु सिंह , रेडक्रस सोसाइटी रेशमकोठी उपशाखाका युवा संयोजक अभिलाष कुमार गुप्ताको समेत उपस्थिति रहेको थियो।
तेरापन्थ युवक परिषद वीरगन्जले गत भदौ २५ गते देखि असोज ४ गते सम्म लगातार ११ दिने बृहत् रक्तदान कार्यक्रमको आयोजना गर्ने र सो कार्यक्रमबाट १५ सय भन्दा बढी पिन्ट रगत संकलन गर्ने लक्ष्य अनुसार आज ७ औ दिन विरगंजको बाईपास रजतजयन्ती चौक स्थित किरण आँखा अस्पतालमा रक्तदान कार्यक्रमको आयोजना गरिएको हो र यो क्रम सबैको सहयोगमा विभिन्न कलकारखाना , अस्पताल , क्लिनिक, संघसंगठन, विधालय लगायतको स्थानहरुमा असोज ४ गते सम्म निरन्तर आयोजना गरिने जसबाट रक्तसञ्चार केन्द्र बिरगंजमा भएको रगतको अभाव केही हद सम्म पूरा गर्ने योजना रहेको हो ।
रक्तसञ्चार केन्द्र वीरगन्जका प्रमुख सौरभ पाण्डे र प्राबिधिक दिलमाया घिमिरे लगायत रेडक्रसका स्वयंसेवकहरुको टिमले रक्तदाताहरुलाइ रक्तदान गर्न सघाएका थिए।
