अजित कुमार भुजेल , बिरगंज । बिरगंज महानगर पालिकाले बनाएको बजार अनुगमन निर्देशिका बादरको पुच्छर न हतियार भएको छ ।
उपभोक्ता हित संरक्षण मञ्च पर्साको उजुरीको आधारमा बिरगंज महानगर पालिकाको नेतुत्वमा गएको बजार अनुगमन टोलिले आज बिरगंज वडा न.१४ पिपरा स्थित भाटभटेनी सुपर मार्केटको चौथो तल्लामा रहेको होटेल र रेस्टुरेन्टमा अनुगमन गर्ने क्रममा म्याद गुज्रिएको खाद्यान्न सामाग्री फेला पार्दा पनि न्यून जरिवाना रु. २५०० गर्ने भनेपछि अनुगमनमा सहभागी उपभोक्ता हित संरक्षण मञ्च पर्साका उपाध्यक्ष अजित भुजेलले असहमति जनाएपछी रु.५०००/- जरिवाना गरेको र महानगरको कार्यबिधी अनुसार यो भन्दा बढी गर्न नमिल्ने महानगरका खाद्य अनुसन्धान अधिकृत बिपिन कुमार लाल दासले बताए ।
उपभोक्ता ऎन २०७५ अनुसार बाणिज्य आपूर्ति तथा उपभोक्ता संरक्षण कार्यालय वा जिल्ला प्रशासन कार्यालय पर्साको नेतुत्वमा आज भाटभटेनीमा अनुगमन टोलि गएको भए कम्तीमा ३ लाख जरिवाना र रेस्टुरेन्ट समेत सिलबन्दी हुन्थ्यो , मञ्चका उपाध्यक्ष भुजेलले जानकारी दिनुभयो ।
तर बिडम्ना मधेस प्रदेशको एकमात्र महानगर पालिका बिरगंजले हिजोको दिनमा व्यापारीको प्रतिनिधि मेयर हुदा बनाएको बजार अनुगमन निर्देशिकामा बजारमा व्यापारीले जति सुकै बदनियतपुर्वक बदमासी गर्दा पनि अधिकतम रु. ५ हजार भन्दा माथि जरिवाना गर्ने व्यवस्था नगरेर व्यापारी र काला बजारीको हितमा बजार अनुगमन निर्देशिका कायम राखेर महानगरले के बजार उपभोक्ताको हितमा र उपभोक्ताको पक्षमा काम गर्न सक्छ ?
उपभोक्ता हित संरक्षण मञ्च पर्साले पटक पटक बिरगंज महानगरका मेयरलाई बर्तमान बजार अनुगमन निर्देशिका खारेज गर्न र उपभोक्ता हितमा साचिकै महानगर काम गर्न चाहन्छ भने उपभोक्ता हित तथा बजार व्यवस्थापन र नियमन कानुन किन बनाईरहेको छैन , उपभोक्ता हित संरक्षण मञ्च नेपालका केन्द्रिय उपाध्यक्ष अजय अधिकारीले प्रश्न गर्नु भयो ।
यदि बिरगंज महानगर पालिकाका मेयर , उपमेयर साच्चिकै निमुखा जनतका पक्षमा छन् कि ठगी गर्ने काला व्यापारीको पक्षमा हो ? आज सबत्र बिरगंजका जनताहरु यहि प्रश्न सोधीरहेका छन कि यत्रो ठुलो बदमासि र लापरबाही गर्दा पनि जरिवाना मात्र रु.५ हजार , जबकी सडकमा जथाभावी फोहोर फाल्ने पसलहरु , होटेल र बैंकलाई १० देखि २५ हजार र छाई फ्याक्ने उद्योगलाई ५० हजार देखि ३ लाख रुपैया जरिवाना गरेको थियो ।
अनुगमनका क्रममा म्याद गुज्रेको मैदा २० केजिको ४ बोरा, बेसन ५०० ग्रामको ४ पाकेट , चाउमिन ४ पाकेट , अमृत ध्यु ५०० ग्रामको ६ पाकेट मन्छुरियम १ पाकेट र चिकेन नगेट २ पाकेट नियन्त्रणमा लिइ होटेलका प्रतिनिधि र अनुगमन टोलिको रोहबरमा म्याद गुज्रेको सामान नस्ट गरिएको थियो ।
<span;>अनुगमन टोलिमा बिरगंज महानगर पालिकाका खाद्य अनुसन्धान अधिकृत बिपिन कुमार लाल दास , खाद्य प्रबिधि तथा गुण नियन्त्रण कार्यालय बिरगंजका प्रमुख सुरेश सिंह , नापतौल तथा गुणस्तर कार्यालय बिरगंजका अधिकृत आनन्द कुमार गुप्ता , वाणिज्य आपूर्ति तथा उपभोक्ता संरक्षण कार्यालय बिरगंजका अधिकृत मधुलेश साह , घरेलुु तथा साना उद्योग कार्यालय बिरगंजका सुदर्शन आचार्य , उपभोक्ता हित संरक्षण मञ्च पर्साका उपाध्यक्ष अजित भुजेल , होटेल तथा पर्यटन व्यवसायी संघ पर्साका अध्यक्ष हरि पन्थ , बिरगंज उद्योग बाणिज्य संघका मनोज कुमार दास , वडा प्रहरी कार्यालय बिर्ताका प्रहरी सहायक निरीक्षक कृष्ण सिंह ठकुरी लगायतको टोलि रहेका थिए ।
