अजित कुमार भुजेल , बिरगंज । पर्सा बहिरा संघको आयोजनामा तथा बिरगंज महानगरपालिकाको आर्थिक सहयोगमा नेपाली आधारभूत साङ्केतिक भाषा १ महिने तालिमको समापन तथा प्रमाणपत्र बितरण समारोह कार्यक्रम सम्पन्न भएको छ ।
श्री द्वार देबि माबि अलौ -१७ मा पर्सा बहिरा संघका अध्यक्ष समिक्षा सापकोटाको अध्यक्षतामा तथा बिरगंज महानगर पालिकाका वडा न.१७ अलौका वडा सदस्य अमरि देबि रामको प्रमुख आतिथ्यमा सो प्रमाणपत्र बितरण कार्यक्रम सम्पन्न भएको थियो ।
नेपाली आधारभूत साङ्केतिक भाषाको १ महिने तालिमले विशेष गरि बहिरा नागरिकहरुलाई घरपरिवार , समाज र सार्वजनिक ठाउहरुमा सबैले बुझ्ने र बुझाउन सक्ने भएकोले यो तालिमले धेरै सहयोग पुग्ने प्रमुख अतिथि रामको भनाई रहेको थियो ।
सो कार्यक्रममा श्री द्वार देबि माबिका प्रधानाध्यापक दयाकान्त झा, बहिरा बिधालयका प्रधानाध्यापक सगुन श्रेष्ठ , पर्सा बहिरा संघका उपाध्यक्ष उमेश कुमार गुप्ता , कोषाध्यक्ष जुल्फकार अन्सारी , सदस्य कृष्ण टिबडेवाल , जगदीश कामति , शिल्पा कुमारि कर्ण , दोभाषे अर्चना कुमारी कर्ण , विद्यार्थीहरु निहारिका यादव , नन्दनि कुमारी , रिमा सहनि , मिरा देबि , पुनिता देबि , गौतम यादव , प्रिन्स यादव , अलौका स्थानीय प्रदीप प्रसाद साह , धिरज साह , आयुष साह , मलङ्गवा- सर्लाहीका लोकेन्द्र कर्ण लगायत अन्य बहिरा विद्यार्थीहरु र अभिभावकहरुको पनि उपस्थिति रहेको थियो ।
