अजित कुमार भुजेल , बिरगंज । प्रेस सेन्टर नेपाल पर्साले दुईवटा पत्रकारिता पुरस्कार वितरण गर्ने भएको छ ।
सेन्टरको जिल्ला समितिकाे बैठकले स्व.पत्रकार कृष्णसेन समृति दिवसकाे अवसरमा जेठ १२ गते कृष्ण सेन स्मृति सम्मान र प्रेस सेन्टर पर्सा क्रियाशील पत्रकारिता पुरस्कार प्रदान गर्ने निर्णय गरेकाे छ ।
पुरस्कार वितरणका लागि मापदण्ड बनाउन केन्द्रीय सदस्य तथा पर्सा इञ्चार्ज निरज पिठाकाेटेकाे संयाेजकत्वमा केन्द्रीय सदस्य जगत राई र जिल्ला अध्यक्ष दीपक गाैतम सदस्य रहनेगरी समिति बनाएकाे छ । समितिले मादण्ड बनाएर पुरस्कार छनाेट समितिलाई बुझाई सकेकाे संयाेजक पिठाकाेटेले जानकारी दिनुभयाे ।
त्यसैगरी पुरस्कार छनाेटका लागि केन्द्रीय प्रतिनिधि सन्ताेष पाैडेलकाे संयाेजकत्वमा सचिव शिवनाथ यादव र सदस्य अजित भुजेल रहेकाे छनाेट समिति बनाएकाे छ । समितिले आज सम्ममा व्यक्ति छनाेट गरेर पुरस्कारका लागि सिफारिस गर्ने छ ।
पुरस्कारकाे राशी २१/२१ हजारकाे रहने छ । पुरस्कार जेष्ठ १२ गते शनिबारको दिन वितरण गरिने जिल्ला सचिव शिवनाथ यादवले जानकारी दिनुभयाे ।
