अजित कुमार भुजेल , बिरगंज । नक्कली नोट सहित दुई जना मानिसहरू पक्राउ परेको छ ।
पर्सा जिल्ला बिरगंज म.न.पा.वडा नं.९ घण्टाघर स्थित सडकखण्डमा जिल्ला प्रहरी कार्यालय पर्सा मातहत वडा प्रहरी कार्यालय विर्ताबाट खटिएको प्रहरी टोलीले संकास्पदरूपमा दुई जना अपरिचित व्यक्तिहरू पैदल हिंडिरहेका अवस्थामा रोकी कानूनी रीतपुर्याई खानतलासी गर्दा भारत विहार पश्चिमी चम्पारण वेतिया भावल पञ्चायत बस्ने वर्ष ३० को क्यामुदिन मियाँको साथबाट नेपाली नक्कली रू.१००० दरका नोट थान-१ र जि.बारा प्रसौनी गाउँपालिका वडा नं.२ बस्ने वर्ष ४० की हलिमा खातुनको साथबाट नक्कली नेपाली रु.१००० दरका नोट १२२ थान गरी जम्मा रु.१,२३,०००।– ( एक लाख तेईस हजार ) फेला परेको हुँदा निजहरू बरामद भएको नक्कली नोट सहित नियन्त्रणमा लिइ मुद्रा सम्बन्धी कसूरमा थप अनुसन्धान कार्य भैरहेको जिल्ला प्रहरी कार्यालय पर्साले जनाएको छ ।
