अजित कुमार भुजेल , बिरगंज । ऎन कानुनको परिधिभित्र रहेर आफुले काम गर्ने पर्साका प्रहरी उपरीक्षक कुमोध ढुङ्गेल बताए ।
पर्सा जिल्लाको प्रहरी प्रमुखको जिम्मेवारी सम्हालेको करिब एक महिना पछि बुधबार पत्रकार भेटघाटमा पत्रकारहरुले सोधेका प्रश्नको जवाफ दिदै ढुङ्गेलले आफ्नो कुनै योजना नभएको र नराम्रा कामलाई सच्याउदै जाने र राम्रा कामलाइ निरन्तरता दिने बताए ।
धेरै कुरा यस्ता पनि छन् जुन सार्वजनिक गर्दिन , देख्या कुराहरु तयारी गर्छु र तपाईंलाई रिजल्ट देखाउछु , यहा के कुराको कमजोरी छ , के कुराको कन्ट्रोल गर्नु पर्ने छ । त्यो हामीले अध्ययन गरि सकेका छौ । यदि दोषी ठहर भएमा जो कोहिलाई पनि कानुनी कठघरामा ल्याउन आफू पछी नहटने र सोर्सफोर्समा काम कार्वाही पनि नगर्ने बताए ।
प्रहरी उपरीक्षक ढुङ्गेलले सूचना संकलन गर्नका लागि युनिट नै रहेकाले घुमुवा प्रहरी नरहने बताए ।
कुनैपनि किसिमको समाचार सम्प्रेषण गर्दा जनतामा असर नपर्ने गरि सम्बधित विषयको निचोडमा पुगेर मात्र समाचार लेख्न र प्रकाशन गर्न पत्रकारहरु सङ्ग अनुरोध गरेका थिए ।
त्यसैगरी उनले पर्सा जिल्लामा प्रहरीले शान्तिसुरक्षा, आपराधिक गतिविधि र चोरी पैठारी नियन्त्रण गर्ने कामकारबाही बारेमा पत्रकारहरूले सहज रूपमा सूचना पाउने पनि बताए ।
प्रहरी उपरीक्षक ढुङ्गेलले जिल्लामा शान्तिसुरक्षा , अपराधिक गतिविधि जस्ता कार्यमा पत्रकारहरूको सहयोग आवश्यक रहेकोे बताए ।
नेपालको संविधान, कानुन अनुसार नै प्रहरीले काम कारबाही गर्ने भएकाले सोही अनुसार अगाडि बढ्ने र कसैको दबाबमा काम नगर्ने प्रहरी उपरीक्षक ढुङ्गेलले बताए ।
