अजित कुमार भुजेल , बिरगंज । महानगरको बिकाशको लागि नागरिक समाजद्वारा नगर प्रमुख राजेश मान सिंहको समर्थनमा बृहत नागरिक रैलीको आयोजना गरेको थियो ।
आज बिहीबार बिरगंजको लाल बङ्गलाबाट निस्किएको रैली बिरगंज परिक्रमा गरि घन्टाघरमा आई कोण सभामा परिणत भएको थियो ।
हजारौंको संख्यामा निस्किएको रैलीले बिकास बिरोधि , दलाल , भुमाफिया , भस्टचारि होसियार , काम गर्नेको बिरोध नगरौ , काम गर्न देउ , आजलाई होईन भोलीलाइ सोचौ , बिरगंजको आन, मान, शान राजेशमान , चरित्र हत्या पाईदैन , राजनैतिक रिसइबी साध्नको लागि मेयरलाई फसाउन पाउदैन । विपक्षीले झुठो नागरिकता मुद्दा लगाएको भन्दै आफै अदालत , आफै न्यायाधीश र आफै अख्तियार बनी फैसला नगर्न र बैभव बिरगंज अभियानमा साथ दिन सम्पुर्ण बिरगंजबासीले शान्तिपुर्ण रैली निकालेका थिए ।
अघि बढ राजेशमान जनता तिम्रै आसमा छन् , नेतुत्व परिवर्तन भयो , फोहरी चित्र सुध्रियो । भुमाफिया होशियार , अतिक्रमीत जग्गा फिर्ता गर ,गतिशील नेतुत्व परिवर्तन नगर । धेरै आए बोल्ने , बल्ल पाईयो काम गर्ने , सार्वजनिक सम्पत्ति मिच्न पाईदैन दलाली राजनैतिक चाहिदैन जस्ता लेखिएको प्लेकार्ड बोकि नगरबासी मेयर राजेशमान सिंहको समर्थनमा रैलि निकालिएको थियो ।
रैलिमा नागरिक समाजका अगुवाहरु , बुद्धिजिबि , शिक्षक , विभिन्न राजनैतिक संगठनका प्रतिनिधिहरु , बिरगंज महानगर पालिकाका कर्मचारीहरुको समेत उपस्थिति रहेको थियो ।
