अजित कुमार भुजेल , बिरगंज । लागु औषध खैरो हिरोईन जस्तो देखिने सेतो पदार्थ सहित दुई जना मानिसहरू पक्राउ परेको छ ।
बिशेष सूचनाको आधारमा जिल्ला प्रहरी कार्यालय पर्सा मातहत प्रहरी चौकी बसपार्क तथा लागु औषध नियन्त्रण ब्यूरो शाखा कार्यालय पर्साबाट खटिएको संयुक्त चेकिङ टोलीले गस्ति गर्दै जाने क्रममा जिल्ला पर्सा बिरगंज महानगरपालिका वडा नं.८ स्थित सडकखण्डमा दुई जना व्यक्तिहरू संकाष्पद रूपमा बाटोको छेउमा उभी एकआपसमा कुराकानी गर्दै गरेको अवस्थामा निजहरूलाई कानूनी रीतपुर्याई खानतलासी गर्दा जिल्ला बारा जितपुर सिमरा उप-महानगरपालिका वडा नं.७ बस्ने बर्ष ३८ को बिनोद प्रसाद गुप्ताले लगाएको पाइन्टको दाहिने खल्तीबाट २ वटा सेतो रंगको प्लाष्टिकमा बेरी राखेको पोकाभित्र लुकाइ छिपाइ राखिएको लागु औषध खैरो हिरोईन जस्तो देखिने सेतो पदार्थ १०२ ग्राम फेला परेको र ऐ.ऐ.बस्ने वर्ष ३८ को फिरोज चौधरी समेतलाई उल्लेखित लागु औषध सहित निजहरूलाई नियन्त्रणमा लिई यस कार्यालयमा ल्याइ निजहरू विरुद्द लागु औषध सम्बन्धी कसूरमा थप अनुसन्धान कार्य भैईरहेको पर्सा प्रहरीले जनाएको छ ।
