अजित कुमार भुजेल , बिरगंज । बिरगंज कपडा बैंकले शनिबार बिरगंजको घण्टाघरमा नि:शुल्क कपड़ा वितरण गरेको छ।
प्रत्येक दिन आइतबार देखि शुक्रवारसम्म बिहान १०.३० देखि ५ बजे सम्म आफ्नो कार्यालय बिरगंज वडा न. ८ पानीटंकी स्थित कार्यालयबाट गरीब असहायलाई निशुल्क कपड़ा उपलब्ध गराउदै आएको छ ।
कपडा बैंकले शनिबार बिरगंजको घण्टाघरमा ९०० थान कपड़ा वितरण गरिएको थियो ।
सो निशुल्क कपडा वितरण कार्यक्रम सन्चालन हुँदै गर्दा नेपाली काङ्ग्रेसका नेता समाजसेवी राकेश सिंहले ४ बोरा कपडा , हुकुम सिंह राजपुतले १ बोरा कपडा र १ बोरा कपडा अन्य दाताले सहयोग गरेको अध्यक्ष लालबाबु सिंह राजपुतले जानकारी दिनुभयो ।
बिरगंज कपडा बैंकका अध्यक्ष लालबाबू सिंह राजपुतको अध्यक्षतामा भएको सो कार्यक्रममा प्रमुख अतिथी संस्थाका संरक्षक वरिष्ठ समाजसेवी अधिवक्ता सुरेन्द्र प्रसाद कुर्मि,,अतिथिहरु नेपाली काङ्ग्रेसका नेता राकेश सिंह , हुकुम सिंह राजपुत, संस्थाका संस्थापक सदस्य एवं प्रकृति सेवा प्रतिष्ठान नेपालका अध्यक्ष जसपाल सिंह , समाजसेवी गौरी गुप्ता, नेपाल रेडक्रस सोसाइटी रेशमकोठिका सदस्य श्रवण रायमाझी, संस्थाका निवर्तमान अध्यक्ष रम्भा मिश्रा, उपाध्यक्षद्वय प्रकाश थारु , मोनिका सिंह, सदस्यहरु हरेंद्र पटेल, संजय मंडल, शोभा देवी, पत्रकारहरु क्रान्ती साह ,राज सरार्फ, ,घण्टाघर प्रहरी पोस्टका प्रमुख असइ कृष्णनन्दन ठाकुर , रामबाबु सिंह, सन्जु साह ,दिपक पटेल लगायतको सहभागिता रहेकों सचिव कन्हैया पटेलले जानकारी गराएका थिए ।
सो अवसरमा प्रमुख अतिथि अधिवक्ता कुर्मिले दिन दुखी असहाय को सेवा सहयोग गर्ने उद्देश्य बोकि ” जो संग धेरै कपडा छ दिएर जानुस र नहुने आवस्यकता भएकोले निशुल्क लिएर जानुस ” को मुल मन्त्रलाई आत्मसात गरेर बिगत ५ बर्ष देखि प्रत्येक दिन कार्यालयबाट र प्रत्येक महिना घण्टाघर लगायत सार्वजनिक स्थानमा निशुल्क कपडा वितरण गर्दै आइरहेको छ । वीरगन्ज कपडा बैंकको नेक कार्यलाइ सहयोग गर्ने सम्पुर्ण दाताहरु सुभेच्छुकहरु, सन्चारकर्मिहरु , संस्थाका सल्लाहकारहरु ,पदाधिकारी सदस्यहरु लाई हार्दिक आभार प्रकट गर्नु भएको थियो
