अजित कुमार भुजेल , बिरगंज । केहि दिन अघि मात्र उमेरको हदको कारण देखाई हरि खेतान क्याम्पसका प्रमुख समेत रहेका डा. भगवान यादवलाई अनिवार्य अवकाश दिएको थियो ।
तर आज सोमबार हरि खेतान बहुमुखी क्याम्पसको सभाहलमा आयोजना गरेको पत्रकार सम्मेलनमा सञ्चालक समितिको फेरबदल नभएको प्रमुख डा. भगवान प्रसाद यादवले बताएका छन् ।
अबैधानिक तरिकाले फर्जि बिधान र माइन्युट तयार गरेर नभएका पद पाएँ भन्दै आफुलाई क्याम्पस प्रमुख पदबाट हटाइएको भन्ने हाँस्यासपद पत्राचार गर्नु आफैंमा आश्चर्य भएको बताएका हुन ।
पत्रकार सम्मेलनमा उहा निकै भावुक मुद्रामा आफ्नो रगत पसिना र रगत खर्चेर समाजले खडा गरेको हरिखेतान बहुमुखी क्याम्पसलाई समुदायबाट खोसेर निजीकरण गरि क्यक्तिको रजाएँ गर्ने परेड मैदान बनाउन खोजिएको षडयन्त्र कुनै हालतमा पनि बीरगंजेली नागरिक समाजले स्वीकार नगर्ने बताउनुभयो ।
उहाँले आफुलाई अपमानको बिष पिलाएर भक्तीभाव गर्ने खोजिएको भ्रममा कोही पनि नपर्ने चेतावनी समेत दिनुभयो । प्रमुख यादबले समाजले चाहुन्जेलसम्म आफुलाई कुनै आमूक व्यक्तले हटाउन नसक्ने चेतावनी समेत दिनुभयो ।
पत्रकार सम्मेलनमा उहाँले बिभिन्न बित्तिय संस्थामा रहेको बैकको खाता संचालन रोकेर कलेजेका दैनिक काम कार्वाही र बिद्यार्थीहरुको फारम भर्ने काम रोकेर कुन खालको शिक्षा बिकासको कुरा गर्न खोजिएको हो आफु आश्चर्य चकित भएको समेत बताउनुभयो ।
उहाँले बारम्बार क्याम्पसलाई बदनाम गरेर मध्ये तराइकै शिक्षाको ज्योति छर्ने हरिखेतानको गुणस्तर अव केही नगन्य ब्यक्तिहरुलाई स्वीकार नहुनु स्वभाबिक भएको समेत बताउनु भयो । अझै उहाँले संचालक भनिएकाहरुको बित्तिय संस्थामा कलेजको खाता नखोल्दा बर्तमान अवस्था आएको समेत बताउनुभयो ।
उहाँले हजारौं गरिब र बिपन्न अभिभावकको छोराछोरीलाई सस्तो र सर्वसुलभ शिक्षा दिएको हरिखेतान बिरुद्ध भैरहेको सबै षडयन्त्र चकनाचुर हुने समेत बताउनु भयो । दैनिक रुपमा पठन पाठन नियमित भैरहेको खाताको पैसा झिकेर कथितहरुको रजाई गर्न नदिेन हर दिन भौतिक संरचना निर्माण गर्दे क्याम्पसलाई आफ्नै नेतृत्वमा अब्बल बनाउदै लगिने बताउनुभयो ।
