अजित कुमार भुजेल , बिरगंज । लायन्स क्लब बिरगन्जद्वारा बिरगंज कपडा बैंकलाई कपडा सहयोग गरेको छ।
लायन्स क्लब बिरगंज परिवार र लायन्स क्लब कुटुम्बको संयुक्त रुपले बिरगंज कपडा बैंकलाई कपडा सहयोग गरेको थियो।
कार्यक्रम सन्योजक लायन अशोक बेरिवालको संयोजकत्वमा ५ बोरा र १ झोला कपडा बैंकका अध्यक्ष लालबाबु सिंहलाई कपडा बैंकको कार्यालय बिरगंज वडा न. ८ मा पुगि हस्तान्तरण कार्यक्रम गरि प्रदान गरिएको हो ।
सो अवसरमा लायन्सका अध्यक्ष लायन रबि सरार्फ ,सदस्यहरु नरोतम पाण्डे , श्याम गुप्ता, बिजया ओझैया, सन्जिता प्याकुरेल, रचना शर्मा,अर्चना शर्मा,रिकेश साह,बासु तिमिल्सिना ,रिना रौनियार,प्रीती गुप्ता,सिमा रौनियार लगायत बिरगंज कपडा बैंकका कोषाध्यक्ष मनोज मिश्राको समेत सहभागिता रहेको छ ।
सो अवसरमा बिरगंज कपडा बैंकका अध्यक्ष सिंहले दिन दुखी असहायको सेवा सहयोगको लागि ” जस संग धेरै छ दियेर जानुस र जो सित कमि छ आवश्यकता छ निशुल्क लियेर जानुस ” को मुलमन्त्रलाई आत्मसात गर्दै बिगत ५ बर्ष देखि बिरगंज कपडा बैंक स्थापना गरि कार्यालयबाट र विभिन्न स्थानहरुमा निशुल्क कपडा वितरण गरि सेवा प्रदान गरिरहेको जानकारी गराउदै लायन्स क्लब वीरगन्ज र कुटुम्ब परिवारले सामाजिक क्षेत्रमा गुणस्तरीय सेवा प्रदान गरिरहेको र बिरगंज कपडा बैंकको माध्यमबाट दिन दुखी असहायको लागि कपडा प्रदान गरि सहयोग गर्नु भएकोमा हार्दिक आभार धन्यवाद प्रकट गर्नु भएको थियो।
कार्यक्रम संयोजक लायन बेरिवालले बिरगंज कपडा बैंकले गरिरहेको कार्यको प्रसंशा गर्दै आउने दिनमा लायन्स क्लबले सक्दो सहयोग गर्ने बताउनु भयो ।
