अजित कुमार भुजेल , बिरगंज । पर्सा प्रहरीले बिना भन्सारको भारतीय एम्बुलेन्स र चालक सहित बिरगंज भन्सार कार्यालय बुझाएको छ ।
भारतीय बोलेरो एम्बुलेन्स गाडी भन्सार छली चोरी पैठारी गरि नेपालमा भित्र्याई पर्सा जिल्लाको ग्रामीण एरिया तथा महानगरपालिका भित्रमा अनाधीकृत रुपमा प्रयोग गर्दै आईरहेको छ भन्ने सूचनाको आधारमा हिजो सोमबार जिल्ला प्रहरी कार्यालय पर्साबाट खटिएको प्रहरी टोलिले अन्दाजी दिउसो ३:२० बजे बिरगंज महानगर पालिका वडा न.१३ तराई अस्पताल अगाडि सडक खण्डमा पुग्दा सूचना अनुसारको BR1AP 5291 नम्बरको भारतीय बोलेरो एम्बुलेन्स गाडीलाई स्वरुप परिवार गरि स्कारपियो गाडीको पार्टसहरु लगाएको बिना भन्सारको एम्बुलेन्स चालक भारत बिहार पुर्वी चम्पारण जिल्ला पलनवा ग्राम बहुअर्वा बस्ने बर्ष ३० महमद नेजामुदिन र BR1AP 5291 नम्बरको भारतीय बोलेरो एम्बुलेन्सलाई अन्दाजी मुल्य रु. ४ लाख मुल्यांकन गरि थप अनुसन्धान तथा कार्वाहीको लागि आजै बिरगंज भन्सार कार्यालय बुझाएको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक कुमार बिक्रम थापाले जानकारी दिनुभयो ।
