अजित कुमार भुजेल ,बिरगंज। बिरगंज स्थित सदभाव सेवा समितिले निसुल्क भोजन बितरण गर्दै आईरहेको आज ७ औं बर्ष एवम ३३० औं सप्ताह पुरा भएको सो समितिका सन्चालक रमेश जाटियाले जानकारी गराएका थिए ।
आज भन्दा ७ बर्ष अघि सदभाव सेवा समिति गठन गरि प्रत्येक सप्ताहको शनिबार गरिब , असहाय , निमुखा , रिक्सावालाहरुलाई निसुल्क भोजन खुवाउदै आईरहेको र चाडपर्वको बेला पनि निसुल्क भोजन खुवाउने गरेको समेत जाटियाले बताए ।
सेवा नै धर्म हो , सदभाव सेवा समितिको लगातार आज ७ औं बर्ष एवम ३३० औं सप्ताह आज पनि आदर्शनगर चौक स्थित
साप्ताहिक निशुल्क भोजन कार्यक्रम भब्य र शानदार रुपले चलेको थियोे।
बिरगंजस्थित सदभाव सेवा समितिद्वारा ७ औं बर्ष एवम ३३० औं सप्ताहको अवसरमा निशुल्क भोजन शिविर सम्पन्न गरेको छ । यस कार्यक्रमको अवसरमा आज १ हजार जना भन्दा बढिलाई असहाय, रिक्सा चालक, ठेला र इरिक्सा चालक,गरिब लगायतलाई निशुल्क भोजन प्रदान गरिएको थियो ।
कार्यक्रमको अध्यक्षता सदभाव सेवा समितिका अध्यक्ष रमेश जाटियाले गरेका थिए । उनको अनुसार यो निशुल्क भोजन शिविर हरेक शनिबार आयोजित गरिन्छ । यो भोजन घरमा पकाइएको जस्तै स्वादिलो र पोषिलो भएको बताए ।
अध्यक्ष जाटियाले यस कार्यलाई ’सेवा नै धर्म हो’ भन्दै, “गरिब, दुखी, असहायलाई भोजन गराउनु जस्तो अरु धर्म केही नभएको बताए ।
यस कार्यको लागि अहिलेसम्म कहि कतैबाट सहयोग नलिइ , आआफ्नो तर्फबाट मिलाएर खर्च गर्दै आईरहेको र यस पुन्य कार्यमा सहयोग गर्न चाहनु हुने मानवभावहरुले सहयोग गर्न सक्नु हुने समेत बताए ।
