अजित कुमार भुजेल , बिरगंज । बिरगंज कपडा बैँकले छठ पर्वको अवसरमा साडी तथा लत्ताकपडा वितरण गरेको छ ।
बिरगंजको मुख्य सडकमा रहेको घण्टाघर अगाडि कपडा बैँकले सोमबार दिउँसो ३:३० बजे व्रतालुहरुका लागि २५ थान नयाँ साडी तथा ११ सय थान पुरानो कपडा वितरण गरेको हो ।
प्रत्येक आइतबार देखि शुक्रवार सम्म बिहान साढे १० बजेदेखि ५ बजेसम्म बिरगंज वडा नम्बर ८ स्थित आफ्नो कार्यालयबाट निशुल्क रुपले कपडा वितरण गर्दै आएको छ ।
संस्थाका अध्यक्ष लालबाबू सिंहको अध्यक्षतामा भएको कार्यक्रममा प्रमुख अतिथी अधिवक्ता सुरेन्द्र प्रसाद कुर्मी, सल्लाहकारहरु अधिवक्ता पन्नालाल गुप्ता, सुश्मा तिवारी, अखिलेश तिवारी, मिन्टु सिंह र समाजसेवी हुकुम सिंह,प्रकाश थारु , वीरगन्ज कपडा बैंकका मनोज मिश्रा, मोनिका सिंह, राजेन्द्र भट्टराई, युवा अभियान्ताहरु केदार गुप्ता, रियान्स सिंह राजपुत , सतिस सिंह राजपुत, राजेश श्रीवास्तव, जनमत पार्टीका नेता ओम प्रकाश सरार्फ, पत्रकार कान्ति शाह , अजित भुजेल , सामुदायिक प्रहरी कुम्हाल टोलका सचिव श्रवण रायमाझी, सदस्यहरु निला राम, जानकी देवि, अभिलाष गुप्ता लगायतको सहभागिता रहेको थियो ।
कार्यक्रममा बोल्दै प्रमुख अतिथि अधिवक्ता कुर्मिले भने, ‘दिन दुखी असहायको सेवा सहयोग गर्ने उद्देश्यले वीरगन्न कपडा बैँकको स्थापना भएको हो, तपाइहरु जो संग धेरै कपडा छ, हामीलाइ दिनुस् र जसलाइ कपडाको आवश्यकता छ, उनीहरुले हामीसँगबाट लैजानुस् भन्ने मुलमन्त्र अंगालेर विगत ६ वर्षदेखि नागरिकहरुलाइ घर आगनमा पुगि निशुल्क कपडा उपलब्ध गराएका छौ ।’
उनले आफ्नो कमाइको ५ देखि १० प्रतिशत रकम सामाजिक सेवा तथम दिन दुखीको सेवामा खर्चिनु पर्ने बानी बसाल्न आग्रह गरे ।
बिरगंज कपडा बैँकको यो कार्य प्रशंसनीय रहेको भन्दै उनले सहयोगी सम्पूर्णदाताहरुमा धन्यवाद ज्ञापन गरे ।
