अजित कुमार भुजेल , बिरगंज । बिरगंज वडा न.७ बस्ने सन्जय जयपुरियाले मालपोत र नापी कार्यालयका कर्मचारीहरुको लापरबाहीले गर्दा मेरो श्रीमतिको नाममा रहेको जग्गा अरुको नाममा बिक्रि गरेको आरोप लगाएका थिए ।
जग्गा धनीका श्रीमान सन्जय जयपुरियाले बिरगंजको होटेल बिरगंज गेटवेमा आज पत्रकार सम्मेलनको आयोजना गरि मेरो श्रीमती शान्ति कुमारी मारवाडिले १५ बर्ष अगाडि मिति २०६७/७/४ गते नितेन्द्र प्रसाद साह सङ बिरगंज वडा न.७ माईस्थान स्कुल पछाडि कित्ता न. ७७ को जग्गा साढे ६ धुर पुरानो घर समेत गरि खरिद गरि भोग चलन गर्दै आईरहेको र सो जग्गाको बिरगंज महानगर पालिकालाई सम्पत्ति कर पनि बुझाउदै आईरहेको पत्रकार सम्मेलनमा जग्गा धनीका श्रीमान सन्जय जयपुरीयाले जानकारी दिदै १ बर्ष अगाडि घरायसी प्रयोजनको लागि बैंकबाट ऋण लिन पर्यो भनेर मालपोत रोक्का गर्न जादा सो जग्गा अरुको नाममा बिक्रि भएको थाहा पाउँदा यो कसरी भयो भन्दै मालपोत कार्यालय , नापी कार्यालय सबै धाउदा धाउदै १ बर्ष हुन लाग्यो ।
मालपोत कार्यालयले गल्तीले भएको हो , तपाईंको काम हुन्छ हुन्छ भनेर भोलि आउनु , पर्सि आउनु , अहिले त्यो फाटको मान्छे आएको छैन भनेर आलटाल गर्दै दु:ख दिने गरेको र नापी कार्यालयमा भने ६९ कित्ताको ४ कित्ता काट गरि ३ जनाको नाममा बिक्रि गरिसकेको देखिएको बताए पनि कम्प्युटरमा कित्ता न. ६९ ईन्ट्रि बदर देखिएको जयपुरियाले आरोप लगाएका थिए ।
मेरो श्रीमतीको नामको लालपुर्जा आफू सङै हुदा हुँदै सो जग्गा राजकुमार अग्रबाल , सुरेश कुमार अग्रबाल र निर्मला देबि गरि ३ जनाको नाममा पास गरेको देखिएको र १ कित्ता बिक्रि नभएको देखिएको बताए ।
पत्रकार सम्मेलनमा जयपुरियाले आफुले थाहा पाएपछी देखि नै दौडधुप गरेको र यश सम्बन्धमा एकजनाले फोन गरि काम गर्ने सर्तमा ३ लाख मागेको पनि बताए । तर फोन गर्ने व्यक्ति को हो मलाई थाहा र जानकारी भएन किन कि मेरो जग्गाको लागि सो रकम किन दिने भन्ने सोच रहेको बताए ।
पत्रकारले सोधेको प्रश्नको उत्तर दिदै जयपुरियाले आफू अहिले सम्म अख्तियार र अदालत नगएको भन्दै तपाईहरुको लोकप्रिय सन्चार माध्यमबाट समाचार प्रकाशित गरि सत्यतथ्य बुझि मलाई न्याय दिनुहुने छ भन्ने बिश्वास लागेकोले आज यो पत्रकार सम्मेलन गरेको बताए ।
